Sot ishte Dita e dytë e Zisë Kombëtare, në të cilën Bullgaria i dha lamtumirën e fundit udhëheqësit të saj shpirtëror, Patriarkut Neofit, i cili na la më 13 mars pas një sëmundjeje të gjatë. Për të përcjellë Shenjtërinë e Tij Patriarkun Bullgar dhe Mitropolit të Sofjes në udhëtimin e tij të fundit tokësor, qindra laikë, përfaqësues të klerit bullgar dhe të huaj u mblodhën në Katedralen Patriarkale “Shën Aleksandër Nevski".
Ndër pranishmit në Liturgjinë e Shenjtë të varrimit të peshkopëve ishin presidenti Rumen Radev dhe nënpresidentja Ilijana Jotova, kryeministri dhe zëvendëskryeministrja në dorëheqje Nikollaj Denkov dhe Maria Gabriel, kryetari i parlamentit Rosen Zheljazkov, presidenti i Bullgarisë në periudhën 2002 - 2012 Georgi Parvanov, mbreti i fundit bullgar dhe ish-kryeministër Simeon Sakskoburggotski.
Mes të pranishmëve në meshën përkujtimore të peshkopëve në kujtim të Shenjtërisë së Tij në Katedralen Patriarkale “Shën Aleksandër Nevski” ishin edhe Mitropoliti Epifanij i Kishës Ortodokse në Ukrainë, ambasadorja e Ukrainës Olesja Ilashçuk dhe ambasadorja e Rusisë Eleonora Mitrofanova. Kisha Ruse u përfaqësua nga Mitropoliti i Evropës Perëndimore Nestor. “Kisha jonë vajton së bashku me bullgarët dhe popullin bullgar”, tha ambasadori rus. Prania e mitropolitit ukrainas Epifanij shkaktoi polemika në mesin e përfaqësuesve të Kishës Ortodokse Bullgare, pasi Kisha Ortodokse e Ukrainës ka një tomos nga Patriarku Ekumenik, por nuk njihet nga kishat e tjera ortodokse, duke përfshirë edhe atë bullgare.
Shërbimi drejtohej nga Mitropoliti Joan i Varnës dhe i Velik Presllavit, i cili është nënkryetar i përkohshëm i Kishës Ortodokse Bullgare.
Liturgjia u pasua nga një liturgji funerale, e udhëhequr nga Patriarku Ekumenik Bartolomeu, së bashku me përfaqësues të kishave ortodokse lokale dhe peshkopë të Kishës Ortodokse Bullgare.
“Nuk do t'i harroj fjalët e patriarkut, se besimi në mirësi duhet të na bashkojë dhe të na forcojë si komb”, theksoi presidenti Radev para gazetarëve. "Sot është një ditë e trishtuar jo vetëm për Bullgarinë, por edhe për të gjithë ne", vuri në dukje Patriarku Ekumenik Bartolomeu.
Pas ceremonisë mortore me një kortezh litik, trupi i patriarkut bullgar u shoqërua me mijëra njerëz deri në Katedralen Metropolitane “Shën E Diela” për t'u prehur përgjithmonë, sipas dëshirës së tij. Eshtrat mortore u transportuan me një karrocë, me të cilën para shumë vitesh Mbreti Borisi i Tretë u përcoll në udhëtimin e tij të fundit tokësor. Ndryshe nga viti 1943, kur karroca tërhiqej nga kuajt, sot ajo bëhej nga një makineri ushtarake, saktëson BNT. Eshtrat mortore të Patriarkut Neofit u prehen në anën jugore të kishës "Shën E Diela".
Dhe në fund, le të kujtojmë një nga amanetet që na la Patriku Neofit në nëntor 2021: “Zoti i Gjithëmëshirshëm na dhuroftë bujarisht të gjithëve urtësi dhe largpamësi, dashuri për të afërmin dhe mendim për tjetrin, duke na çliruar nga çdo egoizëm dhe mendjemadhësi, nga çdo krenari dhe mospërfillje, nga fatkeqësia e kohës së sotme - pandjeshmëria ndaj të tjerëve, të cilat janë pengesat më të dhimbshme përpara nesh në rrugën tonë drejt Krishtit dhe Mbretërisë së Tij”.
Dita e zgjedhjeve jashtë vendit përfundoi në orën 06:00 me orën bullgare më 10 qershor. Votimi u zhvillua në 5 kontinente pa vështirësi, njoftoi Ministria e Jashtme. Bullgarët në Los Anxhelos ishin të fundit që ushtruan të drejtën e tyre të votës...
“GERB-SDS” është forca e parë politike në votim për parlamentin kombëtar me 50,96% të numëruara të protokolleve seksionale zgjedhore, njoftoi Komisioni Qendror i Zgjedhjeve. Rezultatet e datës 10 qershor te ora 08:00 janë: GERB-SDS..
Gjatë natës do të jetë i kthjellët dhe pothuajse i qetë. Të hënën do të mbajë mot kryesisht me diell dhe i ngrohtë. Do të fryjë erë e lehtë deri mesatare nga drejtimi jugor. Pas drekës do të jetë nxehtë me temperatura maksimale ndërmjet 33°..
Tek ora 17:00, më 9 qershor, pjesëmarrja e votuesve në zgjedhjet për parlamentin kombëtar ishte 23.4%, tha për BNR sociologja nga Gallup,..
Në Sofje janë mbi 300 persona me aftësi të kufizuara që sot votojnë me kuti të lëvizshme nga shtëpitë e tyre në 14 qendra votimi. Ekipet celularedo të..
Interesi i bashkatdhetarëve tanë nga Turqia me të drejtën e votës është përqendruar në zgjedhjet për deputetë popullorë. Arsyeja është se shumica e..