BSP do t'i dërgojë Komisionit Kundër Korrupsionit, Prokurorisë bullgare dhe asaj evropiane raportin parlamentar për kontratën e transportimit të gazit me kompaninë shtetërore energjetike turke "Botash", njoftoi kryetarja e partisë Kornelija Ninova. “GERB po përpiqet të mbulojë korrupsionin e kontratës me Botash-in duke mos lejuar raportin e komisionit, i cili përmban konstatime serioze për dëmtimin e shtetit bullgar, në axhendën e sallës plenare”, arsyetohet ajo.

Sipas kontratës së lidhur nga qeveria teknike e kryeministrit Gëllëb Donev, kompania shtetërore “Bulgargaz” pranon t'i japë “Botash” akses në tubacionet tona.

“Vëzrazhdane” më herët gjatë ditës së sotme paraqiti një raport në prokurori, Agjencinë e Sigurisë Kombëtare dhe institucione të tjera shtetërore lidhur me transaksionin skandaloz mes “Bulgargaz”-it dhe “Botash”-it, njoftoi deputeti Jordan Todorov. Ai tha gjithashtu se partia do t'u sigurojë atyre raportin e komisionit të përkohshëm parlamentar, i cili duhej të vërtetonte faktet e marrëveshjes.

“Po e vazhdojmë ndryshimin – Bullgaria Demokratike” paraqiti një propozim për thirrjen e një seance të jashtëzakonshme të Kuvendit Popullor, në të cilën të shqyrtohet raporti i komisionit të përkohshëm për kontratën mes “Bulgargaz” dhe “Botash”. Raporti përmban fakte dhe zbulime jashtëzakonisht skandaloze, të cilat nuk duhet të mbeten të fshehura nga opinioni”, komentoi deputeti i PP-DB-së, Radosllav Ribarski. Kolegu i tij Martin Dimitrov shprehu shqetësimin se dokumenti për “Botash”- in mund të zhduket si udhërrëfyesi për ndërtimin e “Rrymës Turke”.

• Qeveria miratoi marrëveshjen mes “Bullgargaz” dhe kompanisë turke “Botash”

• KE po kontrollon marrëveshjen e “Bullgargaz” me “Botash”

• PP-DB propozon që Agjencia Shtetërore e Sigurisë Kombëtare dhe Prokuroria të hetojnë kontratën me “Botash”-in për transferimin e gazit