Detyrë e rëndësishme e shtetit është të mbështesë kulturën, të sigurojë kushte që artistët të krijojnë art me ndihmën e iniciativës private, tha presidenti Rumen Radev në mbrëmjen gala “Horizonte”, organizuar nga revista “Menaxheri”. Forumi është nën patronazhin e Presidentit dhe i kushtohet ndërveprimit midis figurave kulturore dhe biznesit. "Nga kriza dilet me një drejtim të qartë dhe me bashkim të kombit. Prandaj është e nevojshme që njerëzit të ndajnë vlera të qëndrueshme shpirtërore dhe ky është roli kryesor i kulturës", theksoi Radev. "Bullgaria ka zënë një vend udhëheqës në Evropë përsa i përket zhvillimit kulturor dhe shpirtëror shumë kohë përpara se të krijohen shumë prej shteteve të sotme në Evropë...ajo ka integruar në kodin kulturor të Evropës alfabetin bullgar, letërsinë dhe shërbimin kishtar sllav dhe bogumilizmin" theksoi presidenti.