Gjashtë vjet pasi në tregun muzikor doli albumi i fundit i Mary Boys Band “Ditë të lumtura”, grupi thotë “Përshëndetje”, duke u rikthyer me një këngë të re me të njëjtin emër. Gjatë kësaj periudhe, vetë Maria - Maria Mutafçieva - realizoi albumin e saj të parë solo "Vazhdo të ëndërrosh". Në të ajo përfshiu një sërë duetesh me emra të mëdhenj të muzikës bullgare.
Vet Meri pranon, se të gjitha këngët që interpreton i punon me djemtë e grupit. Për tekstet, që shkruan vet, ajo thotë:
"Për shumë vite përpiqem të sjell në tekst diellin, verën, atë që është e mirë mes nesh. Për shkak se jeta dhe bota na prezantojnë shumë gjëra të këqija kohët e fundit, nuk ka se si muzika të jetë e tillë. Teksti i këngës duhet të jetë diçka ndryshe - një ishull i bukur ku njerëzit mund të vijnë sa herë që duan një shpëtim."
Ajo pranon se 6 vjet nuk janë pak kohë në jetën njerëzore dhe se madje kishte dyshime nëse të vazhdonte të krijonte muzikë nën emrin Mary Boys Band apo vetëm si Maria Mutafçieva. Por dëshira për të realizuar muzikë të re me djemtë mbetet dhe jemi dëshmitarë të këngës së re në interpretim të grupit "Përshëndetje".
Pavarësisht orarit të ngjeshur, Meri dhe djemtë e grupit shpresojnë të kenë kohë për të krijuar më shumë këngë të reja për një album të ri. Ai pritet të jetë gati në vitin 2025 dhe do t'i kushtohet 30 vjetorit të Mary Boys Band. Në këngët e reja, Maria përsëri bashkëpunon me Miro (Mirosllav Mutafçiev) - ai krijon muzikën, ajo shkruan tekstet. Kështu është në këngën e tyre të parë të re pas gjashtë vitesh - "Përshëndetje", për të cilën Meri thotë:
"Dua t'u them njerëzve të vazhdojnë të ëndërrojnë. Dhe të mos harrojnë se ne me të vërtetë jemi heronjtë e jetës sonë - gjithçka varet nga ne.”
Lexoni më shumë:
Përgatiti në shqip dhe publikoi: Svetllana Dimitrova
Foto: Facebook / Mary Boys Band, BNR
Duke fituar popullaritet të konsiderueshëm si pjesë e dyshes Pavell & Venci Venc' , Pavell Nikollov mori rrugën e tij të pavarur në muzikë. Ditë para ditëlindjes së tij më 10 dhjetor, ai publikoi këngën solo "Në izolator". Në të, përveç se..
Këngëtarja e operës Sonja Jonçeva mori çmimin "Muzikanti i Vitit" të Radios Kombëtare Bullgare (BNR). Ajo u zgjodh nga dëgjuesit në aketimin kombëtar të organizuar nga programi për muzikë klasike “Allegro vivace” të programit “Horizont”. Drejtori i..
Dy interpretues nga gjenerata të ndryshme bashkohen në një duet të papritur - Orlin Goranov i jep dorën këngëtares së re Paola në këngën e tyre të përbashkët "Së bashku". Edhe pse ka ndryshim në eksperiencën e grumbulluar, zërat e të dyve..
Vranësira të dendura
Pjesërisht me re
Vranësira