Që nga fillimi i muajit ka pasur afro 200 zjarre në ditë. Sipas kryekomisarit Aleksandër Xhartov, drejtor i Drejtorisë së Përgjithshme “Siguria nga zjarri dhe mbrojtja e popullatës”, trendi i rritjes së incidenteve vazhdon dhe faktori kryesor janë temperaturat e larta. Krahasuar me këtë periudhë të vitit të kaluar, këtë vit ka 1000 zjarre më shumë. Në të njëjtën kohë, pajisjet e disponueshme kanë nevojë për riparim ose zëvendësim për shkak të amortizimit. Shkaku kryesor i zjarreve në fondin fushor dhe pyjor është aktiviteti njerëzor, qoftë një cigare e pashuar apo një shkëndijë nga makineritë bujqësore. Gjobat pas vërtetimit të autorit që shkaktoi zjarrin janë nga 200 deri në 2000 leva, të cilat janë pak në krahasim me dëmin, tha gjithashtu Xhartov.