Sllënçev Brjag tejkaloi pushimoren turke Marmaris si destinacioni më i përballueshëm për pushimet familjare. Një sondazh i gazetës britanike online “The Independent” krahasoi çmimet e 10 artikujve thelbësorë, duke përfshirë ushqimin, pijet dhe kremrat kundër diellit, dhe zbuloi se vendpushimi ynë bregdetar ofron vlerën më të mirë për paratë për turistët britanikë në vitin 2024.
Një kombinim i të gjitha dhjetë artikujve të mësipërm kushton 110 £ për një familje britanike në Sllënçev Brjag. Në këtë drejtim, pushimorja bullgare është përpara jo vetëm Marmarisit, por edhe destinacioneve të tjera buxhetore për rekreacion familjar si Ibiza, Algarve, Lanzarote etj. Kjo është arsyeja pse shumë britanikë zgjodhën Bullgarinë këtë verë, sipas artikullit të “The Independent”.Lexoni më shumë:
Megjithëse çmimet në Sllënçev Brjag u rritën me 9.8% për vit, analiza zbuloi se klientët mund të kursejnë para të konsiderueshme për pushimet e tyre këtu në krahasim me Marmaris, i cili kryesoi listën e destinacioneve familjare më buxhetore në 2023. Për shembull, një birrë në Sllënçev Brjag kushton 1.50 £ më pak se në pushimoren turke, një shishe krem kundër diellit është 4.23 £ më lirë dhe një menu familjare me tre pjata me verë dhe pije joalkoolike është 4.23 £ më lirë se në Marmaris. Pra, nëse një familje (artikulli nuk tregon me sa anëtarë është familja) ha darkë jashtë çdo natë për një javë, do t’i kushtojë 29.61 £ më pak në Sllënçev Brjag sesa në resortin turk.
Të dy destinacionet, së bashku me plazhet e bukura, ofrojnë shumë aktivitete të përshtatshme për fëmijët. Sllënçev Brjag është krenar për shtrirjen e tij të gjatë të rërës, e përsosur për të ndërtuar kështjella me rërë dhe për të luajtur në dallgët detare, shkruan “The Independent”.
Gazeta britanike paralajmëron turistët që planifikojnë të pushojnë në Ibiza se do të duhet të shpenzojnë më shumë fonde, pasi kostoja mesatare e 10 artikujve është dyfishi i asaj të Sllënçev Brjag.Dhe Ishujt Balearik (në Spanjë) renditen si destinacioni më i shtrenjtë në mesin e të 16 vendeve të përfshira në sondim.
Përpilues: Veneta Nikollova
Përgatiti në shqip dhe publikoi: Svetllana Dimitrova
Foto: sunnybeach.com, bulgariatravel.org, marmaris.org
Udhëtarët që planifikojnë një pushim pranveror mund të marrin në konsideratë Sofjen, e cila është kryeqyteti më i mirë evropian për udhëtime këtë sezon, shkruan botimi në gjuhën rumune Newsweek (newsweek.ro), duke cituar faqen e internetit..
Gjatë muajve prill dhe maj, vizitorët në Muzeun Historik në qytetin e Strellçës kanë mundësinë të mësojnë për traditat lidhur me ciklin e Pashkëve përmes ekspozitës "Pashkët e bukura, Dita e Shën Gjergjit edhe më e bukur". Ekspozita..
Burgas pret edicionin e 16-të të Sauvignon Selection – një shtyllë në programin Concours Mondial de Bruxelles dhe një nga konkurset më prestigjioze të pavarura të verërave në botë. Mbi 1000 verëra nga e gjithë bota konkurrojnë për medalje, të..
Rreth 100 qingja në hell do të përgatiten për festën në Zllatograd gjatë festivalit tradicional të mbushur me muzikë dhe kostume popullore, kushtuar..
Pjesërisht me re
Diell, re, shi, bubullime