Deri më sot u regjistruan 4858 kandidatë për deputetë për pjesëmarrje në zgjedhjet e parakohshme parlamentare. Prej tyre 1378 janë femra, 3480 meshkuj. Numri nuk është përfundimtar, pasi kërkesat për fshirjen e disa prej kandidatëve vazhdojnë të vijnë. Këtë e njoftoi në një konferencë informimi nënkryetarja e Komisionit Qendror të Zgjedhjeve, Rosica Mateva. Për momentin, brenda dhe jashtë vendit do të jenë 12640 komisione seksionale zgjedhore, por edhe ky numër do të pësojë ndryshim, pasi 48 orë para ditës së zgjedhjeve do të krijohen seksione në institucionet mjekësore, sociale dhe ambientet e paraburgimit.Votimi jashtë vendit do të bëhet në 719 seksione në 57 vende, tha Mateva.