Thonë se për të njohur një vend duhet jo vetëm ta shohësh me sy, por edhe ta shijosh. Çdo fshat bullgar, çdo qytet apo rajon ka frymën dhe aromën e vet specifike. Një nga mënyrat për t'i njohur janë rrugët gastronomike, të cilat po fitojnë popullaritet të gjerë. Turistët qëndrojnë në shtëpitë e mikpritësve vendas, ku në një atmosferë të këndshme mikpritësit u tregojnë se si të përgatisin shijet tipike të kësaj zone. Por ka edhe përjetime shoqëruese:

"Shpesh kjo është veshja me kostume dhe fotografimi me to. Herë të tjera prezantohet gjuha vendase, e cila është shumë interesante. Gratë përpiqen t'u mësojnë të ftuarve disa fjalë. Nganjëherë organizohen vizita në një vend natyror që ka ndonjë simbolikë, ose shëtitje me kalë, vizita në një fermë me kafshë, të cilat të ftuarit mund të ushqejnë, të përkëdhelin dhe të bisedojnë me to. Por kryesorja është demonstrimi i kuzhinës - të përgatitet diçka e shijshme së bashku me të ftuarit”, thotë Gergana Kabaivanova, menaxhere e "pendara.bg"  - platforma online bullgare për turizmin gastronomik dhe rural.

Ajo përmban dhjetëra adresa të mikpritësve nga e gjithë Bullgaria, të cilët dëshirojnë t'i mirëpresin mysafirët në shtëpitë e tyre për t'i njohur me gjellët lokale - bëhet fjalë për gjellë autentike bullgare që janë bërë pjesë e trashëgimisë kulturore të një rajoni të caktuar.

Lexoni më shumë nga koleksioni i Radio Bullgarisë:

• Zellnik, skrob, picë me drithëra të plota dhe bozë - fshatrat e Kjustendilit si destinacione tërheqëse gastronomike

• Baxho, bodrume, festivale kulinarie – çfarë erë ka Veriperëndimi Bullgar

• Cila është shija e Bullgarisë - kuzhina si pjesë e kartës sonë turistike

• Shijoni Bullgarinë për ta njohur dhe dashuruar!