U lëshua “Libri i këngëve të BE-së” (The EU Songbook), i cili përmban 6 këngë nga secili prej 27 shteteve anëtare të BE-sëdhe himni i BE-së "Ode e Gëzimit", transmeton BTA. Libri i këngëve është një projekt jofitimprurës danez dhe nuk ka lidhje financiare me BE-në, njoftuan organizatorët nga “Shoqata e Librit të Këngëve të Bashkimit Evropian”(The Еuropean Union Songbook Association), e cila është përgjegjëse për prodhimin e tij.
Më shumë se 100 organizata muzikore dhe konservatorë morën pjesë në krijimin e "The EU Songbook". Këngët u zgjodhën përmes votimit të publikut që përfshinte mbi 87 000 qytetarë nga të gjitha vendet e BE-së.
Këngët në Librin e Këngëve të BE-së janë paraqitur në gjuhën e tyre origjinale si dhe në një version anglisht të këndueshëm. Redaktorët e librit për Bullgarinë janë Doc. Dr Zhan Pehlivanov dhe Prof. Dr. Toni Shekerxhieva-Novak nga Akademia e Muzikës, Valleve dhe Arteve të Bukura “Prof. Dr. Asen Diamandiev” në Plovdiv. Tekstet u përkthyen nga Desisllava Sofranova, regjitore muzikore e përshtatjeve bullgare të Disney, DreamWorks dhe Warner, autore e këngëve dhe teksteve, e cila pranoi sfidën për të bërë përkthime në anglisht të gjashtë këngëve bullgare.
Në kategorinë "Këngët e dashurisë" në Librin e këngëve të BE-së, u përfshi "Bota është për dy", në kategorinë "Natyra dhe stinët" u përzgjodh kënga "Je i bukur, pylli im" dhe në "Këngët popullore" u përzgjodh "Doli Deljo kaçak". Kategoritë "Liri dhe paqe" dhe "Këngët e besimit" do t'i njohin evropianët me këngët e përjetshme bullgare "Një trëndafil bullgar" dhe "Nëse ke dhënë", ndërsa ndër këngët për fëmijë u zgjodh "Fëmijëria ime".
Themeluesi i shoqatës që qëndron pas projektit, danezi Jeppe Marsling, thotë për qëllimin e botimit: “Libri është menduar për lloj-lloj takimesh mes lloj-lloj njerëzve, si në kohë të mira ashtu edhe në kohë krize: për edukim, koncerte, angazhime diplomatike, për bisedat e para në tren apo në kafene. Shpresojmë të arrijmë dashamirës të muzikës si në BE ashtu edhe më gjerë, në vendet kandidate dhe në mbarë botën”.
Aplikacioni celular EU Songbook, i cili përfshin të gjitha këngët, mund të shkarkohet falas nga Google Play dhe AppStore.
Valeria Stojanova është ende studente në Shkollën Kombëtare të Muzikës në Sofje, por pavarësisht moshës së saj të re, ajo tashmë ka një përvojë solide skenike përkrah interpretuesve të njohur. E rritur në një familje muzikantësh, Valeria..
Pas një serie këngësh balada, Papi Hans prezanton këngën "Punëtori i zellshëm" - një këngë befasuese në albumin e tij "Ngjyrat e Ylberit". Tingulli dhe ritmi janë të viteve tetëdhjetë, dhe në videon e këngës shohim edhe aftësitë mbresëlënëse të..
"I ftohtë, i cili çan edhe drurin dhe gurin, dy-tri ditë të uritur, ndërsa ai këndon dhe gëzon! Në mbrëmje - para se të shkojmë në shtrat - këndon; në mëngjes, sapo hap sytë, këndon përsëri" - kështu e përshkruan poeti dhe revolucionari Hristo Botev..
Violinisti Svetlin Rusev – një nga instrumentistët më të shquar për momentin në mbarë botën, një artist karizmatik me një inteligjencë për t’u admiruar,..
Angell Djullgerov është kitarist, violinist, kompozitor, aranzhues dhe lider muzikor, i cili vitet e fundit ka punuar me yjet më të mëdhenj të muzikës..
Vranësira të dendura me shi
Vranësira