Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kinemaja aventureske nga 39 vende mbërrin në "Bansko Film Fest"

Për vitin e njëzet e tretë, ekipi i “Bansko Film Fest” do të transferojë publikun në disa nga pikat më ekstreme të botës përmes 75 filmave nga 39 vende. “Të gjitha janë premiera, për disa prej tyre shfaqjet në Bansko do të jenë premiera botërore”, tha drejtoresha e festivalit Natali Petrova për BTA. Këtë vit, krahas pjesëmarrjes tradicionale të filmave nga Italia, Polonia, Austria, Franca, Gjermania, SHBA-ja, Britania e Madhe e të tjera, do të prezantohen për herë të parë filma nga Taxhikistani dhe Koreja e Jugut.

Festivali ndërkombëtar i kinemasë malore dhe aventureske, i cili tradicionalisht zhvillohet në vendpushimin tonë malor Bansko, nis më 20 nëntor. Publiku bullgar do të ketë takime me aventurierë me famë botërore, ndër të cilët është alpinisti polak i skive Andrzej Bargiel, i cili e ka shkruar emrin e tij në histori me ngjitjen dhe zbritjen e suksesshme me ski të të gjitha majave të larta tetë mijë metra të Karakorum (Pakistan). Legjenda austriake e alpinizmit ekstrem Beat Kammerlander do të jetë gjithashtu i ftuar në festival, si dhe përfaqësues nga Italia - aventurieri Alex Bellini dhe alpinisti dhe udhërrëfyesi malor Peter Moser. Alpinisti slloven Andrej Stremfelj do të flasë për karrierën e tij marramendëse në alpinizëm më 22 nëntor.

Andrzej Bargiel, Beat Kamerlander, Alex Bellini dhe Peter Moser

Kulmi i festivalit do të jetë më 23 nëntor me prezantimin e alpinistit të suksesshëm bullgar Nikollaj Petkov dhe ceremoninë e ndarjes së çmimeve për filmat më të mirë.
“Bansko Film Fest” vazhdon deri më 24 nëntor dhe hyrja në shfaqje dhe prezantime është falas.

Përpiloi: Elena Karkallanova

Foto: banskofilmfest.com

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Ekspozita “American Art” sjell në Burgas vepra të krijuesve botërorë

Bashkia e qytetit Burgas dhe galeria Vivacom Art Hall Oborishte 5 prezantojnë ekspozitën ndërkombëtare American Art, e cila sjell në Burgas vepra nga disa prej krijuesve më të rëndësishëm amerikanë dhe botërorë të shekullit XX dhe XXI. Hapja zyrtare..

botuar më 25-08-20 12.16.MD

“Bullgaria piktoreske” – turizëm në rrugën e letërsisë

Dhjetë universitete evropiane do të prezantojnë programin e tyre shkencor “Bullgaria piktoreske. Rrugët letrare bullgare” në fshatin malor Huhla, ndërsa studiues nga Ankaraja dhe Varshava marrin pjesë në mënyrë speciale në edicionin e këtij viti të..

botuar më 25-08-17 8.00.PD

Filmi “Kopeja” / “TARIKA” është nominimi zyrtar i Bullgarisë për çmimin “Oscar”

Komisioni kombëtar i ekspertëve përzgjodhi kandidatin bullgar për çmimin “Oscar” të Akademisë Amerikane të Filmit për filmin më të mirë ndërkombëtar. Filmi “Kopeja” / “TARIKA” është filmi i tretë artistik i regjisorit Millko Llazarov. Premiera..

botuar më 25-08-15 2.58.MD