Kryetarja e Kuvendit Popullor Natalija Kisellova bisedoi me ambasadorin amerikan në Bullgari, Kenet Merten. Kisellova i shprehu ngushëllimet e saj dhe të deputetëve të Legjislaturës së 51-të të Kuvendit Popullor për të afërmit e qytetarëve amerikanë që humbën jetën gjatë zjarreve shkatërruese në Los Anxhelos. Ajo gjithashtu i shprehu mirënjohjen drejtorit dhe stafit të Muzeut “Villa Getty” për masat e nevojshme të marra për mbrojtjen e eksponateve nga ekspozita “Trakia e lashtë dhe bota antike: Thesare nga Bullgaria, Rumania dhe Greqia" nga zjarret në Los Anxhelos. Sipas Kryetares së Kuvendit Popullor, takimi i saj me ambasadorin amerikan në Sofje është një vazhdim i natyrshëm i dialogut politik aktiv mes Bullgarisë dhe Shteteve të Bashkuara në nivelin më të lartë.” “Më vjen mirë që mund të diskutojmë çështjet prioritare të bashkëpunimit tonë dypalësh dhe shpresoj se partneriteti ynë strategjik do të vazhdojë”, shtoi Natalija Kiselova.