Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Organizata e emigrantëve alarmon BE-në për procesin kundër bullgarëve në Manastir

Foto: Shoqata e Pasardhësve të Refugjatëve dhe Emigrantëve nga territori i Maqedonisë së Veriut

Shoqata e Pasardhësve të Refugjatëve dhe Emigrantëve nga territori i Maqedonisë së Veriut dërgoi një qëndrim tek institucionet evropiane, në të cilin këmbëngul që përfaqësuesit evropianë të njihen me dokumentet në rastin kundër kryetarit të klubit të ndaluar kulturor bullgar "Ivan Mihajllov" në Manastir, Ljubço Georgievski, njoftoi BTA.

“Ljupço Georgievski akuzohet se ka bërë që qytetarët e Maqedonisë së Veriut të ndihen të ofenduar nga idetë e tij, për të cilat pretendohet se përbënin përhapjen e racizmit dhe ksenofobisë në mënyrë elektronike. Për faktin se Ljupço Georgievski citoi mendimet e Ivan Mihajllov - liderit të fundit të VMRO-së autentike - i pandehuri u akuzua për mohimin e veçantisë së kombit maqedonas. Ai u akuzua për faktin se këto citate dhe tekste të tjera janë në bullgarishten letrare. Ka akuza se ai shpreh dyshime për qëndrimet zyrtare të Shkupit për "zhvillimin historik të gjuhës maqedonase". Të gjitha këto akuza janë tërësisht të sajuara dhe demonstrojnë mungesën e lirisë së mendimit dhe fjalës në Maqedoninë e Veriut. Këto akuza cenojnë faktet themelore objektive”, thuhet në qëndrim.

“Sot lideri i fundit i VMRO-së autentike, Ivan Mihajllov, po shpallet kriminel nga pushteti i Shkupit dhe këto janë pretendime të autoriteteve në ish-Jugosllavi qysh nga fundi i vitit 1944 dhe nuk kanë ndryshuar deri më sot. Dëshirojmë të theksojmë se edhe pse i lindur në territorin e Maqedonisë së Veriut, Ivan Mihajllov nga viti 1934 deri në vitin 1990 jetonte në mërgim, prandaj nuk ka qenë fizikisht aty për të bërë asgjë. I vetmi faji i Ivan Mihajllovit, si dhe i paraardhësve të tij Goce Dellçev, Damjan Gruev, Todor Aleksandrov dhe galaktikës së luftëtarëve të tjerë, është se ai u ndje bullgar dhe shkruante në gjuhën letrare bullgare, në të cilën janë të gjitha botimet dhe e gjithë korrespondenca legale dhe ilegale e VMRO-së autentike“, thuhet gjithashtu në pozitë.

“Lupço Georgievski mund të dënohet nga 1 deri në 5 vjet burgim. Ai nuk ka kryer asnjë krim, por ka promovuar ide që shpërndahen lirisht në të gjitha vendet, përveç Maqedonisë së Veriut, Serbisë dhe Rusisë. Politika zyrtare e Shkupit ngjall frikë te komuniteti bullgar dhe aktivistët e tij detyrohen të emigrojnë nga Maqedonia e Veriut. Përndjekja e Georgievskit është një sinjal i qartë për të gjithë bullgarët se mbrojtja e identitetit bullgar dhe e vërteta historike në Maqedoninë e Veriut po dënohet”, thuhet në qëndrim.




Последвайте ни и в Google News Showcase, за да научите най-важното от деня!

Më shumë nga rubrika

Мирен протест пред сградата на съда в Нови сад, 21 август 2025 г.

Ngjarjet me adresë ballkanike

Në Serbi u zhvilluan protesta paqësore kundër arrestimit të pjesëmarrësve në demonstrata Studentët dhe qytetarët protestuan në mënyrë paqësore para gjykatës dhe prokurorisë në Novi Sad, duke kërkuar lirimin e të gjithë pjesëmarrësve të..

botuar më 25-08-22 7.45.MD

E Majta mirëpret negociatat midis presidentëve të SHBA-së dhe Rusisë për të arritur paqe të qëndrueshme në Ukrainë

BSP - E Majta e Bashkuar tha se mirëpret angazhimin e Donald Trump dhe Vladimir Putin për të arritur paqen në Ukrainë përmes negociatave. Socialistët gjithashtu mirëpritën pjesëmarrjen e udhëheqësve evropianë në takimin që pësoi në Uashington...

botuar më 25-08-22 10.48.PD
Александър Вучич

Ngjarjet me adresë ballkanike

Presidenti i Serbisë flet për zgjedhje të parakohshme parlamentare Presidenti i Serbisë, Aleksandër Vuçiç, deklaroi se nuk mund të kandidojë sërish për postin në zgjedhjet e ardhshme dhe se "as që i shkon ndër mend" të ndryshojë kushtetutën..

botuar më 25-08-15 4.45.MD