Bullgaria paraqiti një kërkesë për një raport të jashtëzakonshëm konvergjence bazuar në të kuptuarit se vendi i plotëson kriteret për të hyrë në eurozonë, tha kryeministri Rosen Zheljazkov, në hapjen e një kapaciteti të ri prodhimi në Sofje. “Ka shumë hapa që Bullgaria duhet të ndërmarrë përpara se të bëhet e qartë nëse është gati të adoptojë euron. Raporti i konvergjencës ka të ngjarë të publikohet në fillim të qershorit. Konkluzionet më pas do të shqyrtohen dhe do të vlerësohen nga Banka Qendrore Evropiane, Komisioni Evropian, Këshilli i Çështjeve Ekonomike dhe Financiare, Eurogrupi dhe Parlamenti Evropian. Kështu që ka shumë hapa në të cilët Bullgaria mund të tregojë nëse është e gatshme të adoptojë euron nga 1 janari 2026", shtoi Zheljazkov. Ai kujtoi se sipas vlerësimeve, sektori gri në Bullgari është rreth 30% dhe synohet që të zbutet me të paktën rreth 10%.