Ngjarjet me adresë ballkanike

botuar më 25-03-15 8.30.PD

Autoritetet rumune largojnë Calin Georgescu nga zgjedhjet presidenciale

Calin Georgescu nuk do të lejohet të marrë pjesë në zgjedhjet presidenciale në Rumani në maj. Kandidatura e tij u anulua nga Komisioni Qendror i Zgjedhjeve. Pas këtij vendimi, mbështetësit e politikanit u përplasën me policinë në Bukuresht.

Gjykata Kushtetuese vendosi gjithashtu se Georgescu nuk mund të kandidojë në zgjedhjet presidenciale. Vendimi është përfundimtar dhe i detyrueshëm. Nëntë gjyqtarët e Gjykatës Kushtetuese e morën vendimin njëzëri, raporton AGERPRES.

Sistemi nuk pranon askënd jashtë tij, tha Georgescu pas vendimit të gjykatës.

Ndërkohë, Ministria e Jashtme rumune dënoi komentin e Dmitry Peskov, zëdhënësi i Kremlinit, i cili tha se zgjedhjet në Rumani do të ishin të paligjshme pa pjesëmarrjen e Georgescu.

Beogradi po përgatitet për një protestë tjetër të madhe kundër qeverisë

Tensionet në Serbi po rriten. Një demonstrim i ri kundër korrupsionit mund të sjellë dhjetëra mijëra protestues në Beograd të Shtunën, 15 Mars. Presidenti Aleksandër Vuçiq u ka bërë thirrje studentëve të vendosur në kampe në qendër të Beogradit, t’iu kthehen orëve mësimore dhe të shkojnë nëpër shtëpitë e tyre të shtunën. Përveç studentëve, ka shumë qytetarë, disa prej të cilëve mbërritën nga Kosova dhe Bosnja dhe hapën tendat e tyre. Tendat vendosën gjithashtu veteranë nga njësitë speciale të Ministrisë së Brendshme Serbe, të njohur si Beretat e Kuqe, të shpërndara në 2003, raporton BTA.

Që nga 1 Nëntori 2024, janë mbajtur demonstrime në të gjithë vendin duke kërkuar përgjegjësi dhe llogaridhënie për vdekjen e 15 njerëzve nga shembja e një strehe në stacionin e trenit në Novi Sad më 1 nëntor.

Greqia dhe Republika e Maqedonisë së Veriut po përgatisin hapjen e një pike kufitare në rajonin e Prespës

Më 12 Mars, Kryeministri i Maqedonisë së Veriut Hristijan Mickoski i hapi rrugë aktiviteteve të ndërtimit për të rihapur pikën kufitare "Markova Noga" midis Maqedonisë së Veriut dhe Greqisë, e cila ka më shumë se 50 vjet që është mbyllur që nga koha e Jugosllavisë, raportoi MIA.

Rihapja e pikës është brenda kornizës së projektit "BE për Prespën". Ajo do të shkurtojë rrugën nga zona e liqeneve të Prespës direkt në Bitola dhe Resen, sepse tani përdoret rruga më e gjatë përmes Lerin-Florina dhe Mexhitlia-Negoçani përdoret tani.

Rivendosja e pikës së kontrollit kufitar u njoftua me nënshkrimin e marrëveshjes së Prespës në vitin 2018. Gjysmë shekulli më parë, njerëzit në zonën kufitare Markova Noga - Lemos kalonin vetëm me kartë identiteti, kujton MIA.

Turqia do të ndërtojë një tjetër hekurudhë të shpejtë në Anadoll

Planet për ndërtimin e një linje hekurudhore të shpejtë midis kryeqytetit turk Ankara dhe metropolit të Egjeut Izmir u njoftuan nga ministri turk i Transportit dhe Infrastrukturës Abdulkadir Uraloğlu, raportoi CNN Turk.

"Ne do të lidhim Ankaranë dhe Izmirin me një tren me shpejtësi të lartë, duke ulur kështu kohën e udhëtimit midis dy distrikteve nga 14 në tre orë e gjysmë", tha Uraloğlu, duke kujtuar rëndësinë e rrugëve tashmë të ndërtuara me shpejtësi të lartë që lidhin qytete si Stamboll, Eskişehir, Konia, Karaman dhe Yozgat.

Uraloğlu theksoi rëndësinë e lidhjes midis qyteteve në Turqi, duke falënderuar Presidentin Erdogan dhe duke vënë në dukje se ministria po punon pa u lodhur për të ofruar lidhje të përshtatshme tokësore, ajrore dhe detare në të gjitha rajonet e vendit.

Çmimet e Filmit të Sarajevës rrisin rëndësinë dhe magjepsjen e tyre

Fituesit e çmimit "Zemra e Sarajevës" për dokumentarin më të mirë të metrazhit të gjatë do të kualifikohen automatikisht si kandidatë për Oscar, ka vendosur Akademia Amerikane e Arteve dhe Shkencave të Filmit. Kjo është bërë e ditur nga organizatorët e Festivalit të Filmit në Sarajevë, të cituar nga HINA.

Që nga viti 2019 fituesit e kategorisë së filmit me metrazh të shkurtër në Festivalin e Filmit në Sarajevë kualifikohen automatikisht për një nominim për Oscar. Tani privilegji u zgjerua edhe për fituesit e çmimit "Zemra e Sarajevës" për dokumentarin më të mirë të metrazhit të gjatë. Çmimi thekson cilësinë e shkëlqyer të filmave fitues nga Festivali i Filmit në Sarajevë, i cili i lejon ata të kualifikohen për një Oscar nëse plotësojnë kërkesat shtesë të Akademisë. Në vitin 2025 Festivali i Sarajevës do të mbahet nga 15 deri më 22 gusht.

Përpiloi: Ivo Ivanov

Foto: Facebook / Călin Georgescu, BGNES, Facebook / Hristijan Mickoski, CNN Tur, hina.hr

Përgatiti në shqip dhe publikoi: Kostandina Bello

Ndaje

Ngjarjet me adresë ballkanike

Ndaje

Më shumë nga rubrika

Shtimi i numrit të partive në parlamentin bullgar dhe sinjalet ndaj procesit zgjedhor

Komentet pas vendimit të Gjykatës për rishpërndarjen e votave

Kryeministri Rosen Zheljazkov mirëpret propozimin për një armëpushim njëmujor në Ukrainë

Kryetari i Parlamentit vizitoi Festën e Pashkëve në Bosilegrad