Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Diskoteka në Koçan, ku u dogjën 59 persona, nuk ka pasur patentë

Foto: Reuters

Zjarri në qytetin maqedonas të Koçanit, ku humbën jetën 59 persona dhe u plagosën 155 të tjerë, është një ngjarje e paralajmëruar, thotë Prof. i Asoc. Milen Ivanov, ekspert i sigurisë dhe ish-prorektor i Akademisë së MPB-së.

Prof. i Asoc. Milen Ivanov

Kjo është një lloj magazine me trarë të tharë mirë, nuk ka një lartësi të mjaftueshme, diçka ka marrë flakë nga mjetet piroteknike të papërshtatshme dhe zjarri ka filluar shumë shpejt”, tha specialisti në një intervistë për Radion Kombëtare Bullgare. Si mangësi të tjera ai vuri në dukje xhamat me hekura dhe praninë e vetëm dy daljeve në objekt. “Përdorimi i mjeteve piroteknike është përgjegjësi e pronarit dhe organizatorit. "Dikush përgjegjës për sigurinë nuk e ka bërë punën e tij," përmblodhi ai.

Sipas ministrit të brendshëm maqedonas, Pançe Toshkovski, tragjedia është shkaktuar nga kompromise serioze dhe skema korrupsioni nga udhëheqja e mëparshme e Ministrisë së Ekonomisë dhe Agjencisë Shtetërore për Mbrojtje dhe Shpëtim.

Ministri maqedonas Pançe Toshkovski

Sandra, Viktoria dhe Angjella 17-vjeçare, të cilët ishin dëshmitarë të asaj që ndodhi në disko, i treguan korrespondentes së Radios Kombëtare Bullgare në Koçan, Keti Trençeva: “Zjarri filloi para nesh. Fillimisht na thanë: “Qëndroni, do ta shuajmë” dhe më pas: “Ikni!” Ka vetëm një derë dhe është shumë e vogël. Të gjithë shkelnin njëri-tjetrin.” Të rinjtë e kanë kuptuar që sot se ambienti i argëtimit nuk ka licencë të rregullt.

"E gjithë puna e këtij klubi është një improvizim - jo vetëm piroteknika," tha gazetari i Maqedonisë së Veriut Aleksandar Dimitrievski për Radion Kombëtare Bullgare, ndërsa kolegu i tij Marijan Nikollovski shtoi se duhet kërkuar përgjegjësi që do të çojë në ndryshime sistemore.

I pyetur nëse do të pasojnë protesta në vend për shkak të tragjedisë, Aleksandër Dimitrievski u përgjigj: “Do të ishte spekulative të parashikohej një gjë e tillë”.

Lexoni më tepër:

Foto: Reuters, BNR, Facebook/ Pançe Toshkovski


Последвайте ни и в Google News Showcase, за да научите най-важното от деня!

Më shumë nga rubrika

Gëzuar 89 vjet, Radio Bullgaria!

Më 16 shkurt Radio Bullgaria feston 89 vjetorin e saj. Gjatë gjithë këtyre viteve, media jonë shumëgjuhëshe ka qenë jo vetëm një kanal informacioni, por ka krijuar një lidhje të paçmuar me audiencën tonë në mbarë botën. Sot Radio Bullgaria ofron përmbajtje..

botuar më 25-02-16 6.45.PD
Foto: Shoqata Bullgare për Mbrojtjen e Zogjve

Një lajm i mirë – pelikani i parë i sezonit u çel pranë Tutrakanit

Pak ditë më parë, zogu i parë i pelikanit dalmat (Pelecanus crispus) i këtij sezoni u çel në zonën e mbrojtur Kalimok - Brëshlen pranë qytetit të Danubit, Tutrakan , njoftoi Shoqata Bullgare për Mbrojtjen e Zogjve "BirdLife Bulgaria". Prindërit e tij..

botuar më 25-02-15 7.25.PD

Radiot anembanë botës flasin për klimën

Dita Botërore e Radios – 13 shkurti, këtë vit i kushtohet ndryshimeve klimatike. Zgjedhja nuk është e rastësishme - viti 2025 është identifikuar nga Marrëveshja e Parisit si çelësi nëse njerëzimi do të përmbushë qëllimin e tij afatgjatë për të kufizuar..

botuar më 25-02-13 7.30.PD