Në ditën e tetë pas Pashkëve, në fund të Javës së Ndritshme, pason një festë e veçantë e quajtur Antipashka, që do të thotë "në vend të Pashkëve" ose "e kundërta e Pashkëve". Megjithatë, ky nuk është një kontrast, por një thirrje për një rifestim të Pashkëve në ditën e tetë pas Festës së Festave, një lloj Pashke e dytë.
Të Dielën e Thomait, Kisha përkujton gjithashtu shfaqjen e Zotit të Ngjallur Apostullit të Shenjtë Thomai. Vdekja e Krishtit në Kryq e pikëlloi thellë Apostullin Thomai, sepse ai mendonte se humbja e Tij ishte e pakthyeshme. Sigurimeve të dishepujve për ringjalljen e Krishtit, ai iu përgjigj: "Po nuk e pashë në duart e Tij shenjën e gozhdëve dhe po nuk e vura gishtin tim te shenja e gozhdëve dhe dorën time në brinjën e Tij, nuk do të besoj" (Gjoni 20:25).
Një javë pas Ringjalljes, Zoti iu shfaq Apostullit Thomai dhe, duke dëshmuar se kishte qenë me dishepujt gjatë gjithë kohës pas Pashkëve, nuk priti pyetjet e Thomait, por Vetë i tregoi plagët e Tij, në përgjigje të kërkesës së tij të pathënë. Ungjilli nuk thotë nëse Thomai i preku vërtet plagët e Zotit, por besimi digjej në të si një flakë e ndritshme dhe ai thirri: "Zoti im dhe Perëndia im!" Me këto fjalë, Thomai rrëfen jo vetëm besimin në Ngjalljen e Krishtit, por edhe besimin në Hyjninë e Tij.
Sipas jetëshkrimit, Shën Apostulli Thomai themeloi kisha të krishtera në Palestinë, Mesopotami, Parti, Etiopi dhe Indi, duke e vulosur predikimin e Ungjillit me martirizim. Për konvertimin në Krisht të djalit dhe gruas së sundimtarit të qytetit indian të Melipurës, ai u burgos, u torturua dhe më në fund, i shpuar me pesë shtiza, shkoi te Zoti.
Nga e Diela e Thomait, sakramenti i martesës rifillon në Kishën Ortodokse, pas një ndërprerjeje gjatë Kreshmës së Madhe e cila paraprin Ngjalljen e Krishtit.
Lexoni më shumë nga arkivi ynë:
Ekspozita fotografike për 96 vjetorin e fillimit të speleologjisë së organizuar në Bullgari u rregullua në Urën e të Dashuruarve pranë Pallatit Kombëtar të Kulturës. Këtë e bënë të ditur organizatorët e klubit të shpellës “Nën buzë”. Ekspozita..
Sot shënohet 88 vjetori i lindjes së këngëtares sonë të madhe të folklorit Nadka Karaxhova. E lindur më 14 mars 1937 në fshatin e atëhershëm Trivodici të rrethit të Pazarxhikut (sot - rajoni i Plovdivit), ajo është pasardhëse e një familjeje të vjetër..
Dita e Shën Theodhorit është një festë e rëndësishme bullgare, e cila shënohet të shtunën pas të Dielës së të Lidhurve të Djathit . Kjo është një festë e lëvizshme dhe këtë vit bie më 8 Mars. Sipas besimeve popullore, Shën Theodhori luan një rol..
Mbushen 132 vjet nga lindja e poeteshës së madhe bullgare Elisaveta Bagrjana. E lindur si Elisaveta Ljubomirova Bellçeva më 29 prill (16 prill sipas..