Kur Bullgaria i bashkohet eurozonës dhe ka monedha me karakteristika kombëtare bullgare, në monedhën prej 2 eurosh do të vendoset imazhi i Shën Paisit. Në buzë të monedhës do të shkruhet me shkronja kapitale: "ZOT MBROJE BULLGARINË". Kjo moto u përdor në monedhat bullgare midis viteve 1882 dhe 1943. Këtë ia tha Radios Kombëtare Bullgare Sekretari i Përgjithshëm i Bankës Kombëtare Bullgare, Stefan Cvetkov.

Monedhat do të kenë një anë të përbashkët për të gjitha vendet e eurozonës, si dhe një anë kombëtare, e cila do të ketë një dizajn specifik për Bullgarinë.

Kalorësi i Madarës do të jetë në monedhat 1, 2, 5, 10, 20 dhe 50 centëshe. Shën Ivan Rillski do të jetë në monedhën 1 euro. Në anën kombëtare, mbishkrimet do të jenë në alfabetin cirilik, saktëson Stefan Cvetkov.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: BGNES