Pesë raste sulmesh nga bandat e të ashtuquajturave “vendas” u regjistruan në Sofje vetëm javën e kaluar. Ka të ndaluar, kanë filluar procedurat paraprake. Ngrihen akuza kundër fëmijëve mbi 16 vjeç, me të miturit punohet në dhomat pedagogjike për fëmijë. Kjo u deklarua nga Prokurorja e Qarkut të Sofjes, Svetllana Dimitrova, pas një takimi me ushtruesin e detyrës së Prokurorit të Përgjithshëm Borisllav Sarafov në lidhje me rritjen e numrit të sulmeve, raportoi BGNES. Prokuroria premtoi të marrë masa dhe të jetë e palëkundur.

"Vendasit" janë të rinj agresivë midis moshës 13 dhe 18 vjeç, shpesh nga familje të pasura, të veshur me rroba sportive të zeza, të cilët shkojnë në grupe dhe sulmojnë e rrahin njerëz të rastësishëm, duke shkatërruar pronën publike dhe private.

Lexoni më tepër nga arkivi i Radio Bullgarisë:

• Qeveria premtoi të luftojë bandat rinore në rritje

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: prb.bg