Shoqata Arkeologjike Bullgare “Ivan Venedikov” i dërgoi një qëndrim Patrikut Daniill në lidhje me thirrjen e tij publike për ndërprerjen e traditës së vallëzimit mbi prush të quajtur nestinarstvo, njoftoi gazetarja e BNR-së Maria Fileva. "Zoti Patrik, mos u prekni ritin e vallëzimit mbi prush!", bëjnë thirrje ekspertët. Ata shprehin mospajtim me përpjekjen për të ndaluar një rit të lashtë që është në thelb të identitetit bullgar. Sipas studiuesve, kjo është një formë e fundamentalizmit kulturor dhe hapi i parë drejt depersonalizimit të kombit duke fshirë kujtesën e tij rituale dhe historike.
"Riti nestinarstvo (vallëzimi mbi prush) nuk është vetëm një element folklorik apo një praktikë rituale. Ai është një urë e gjallë midis traditës mijëvjeçare të trakëve dhe spiritualitetit të krishterë, të përvetësuar dhe të pasuruar nga populli bullgar. Ky zakon nuk është "paganizëm", por një fenomen kulturor që ka mbijetuar përgjatë shekujve dhe mbart simbolikë, nderim dhe spiritualitet të thellë. Ai ndërthur fuqinë rituale të besimit me ritmin e tokës, në një kult ndaj Shenjtorëve Konstantin dhe Elena - një pjesë integrale e panteonit të krishterë", theksohet në qëndrimi i arkeologëve bullgarë.
Më herët këtë muaj, Mitropoliti i Slivenit Arsenij foli kundër ritit të vallëzimit mbi prush, duke i ndaluar vallëzuesit të përdorin ikona gjatë këtij vallëzimit. "Ikona është një objekt i shenjtë, ikona është një imazh i shenjtë. Çfarë kontribuon vallëzimin mbi prush? A u ngrit dikush më shumë shpirtërisht? Kisha dhe besimi nuk kanë të bëjnë fare me magjinë, me ndonjë veti apo imazh të tillë magjik që do t'i lejonte një personi të ecte mbi zjarr", komentoi Patriku Daniill ndalimin, i cituar nga BNT.
Lexoni më shumë për ritin në botimet e Radio Bullgarisë:
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: BTA, BGNES
Qyteti i Rilindjes Trjavna feston Ditën e Shën Llazarit , e cila festohet tradicionalisht përpara së Dielës së Dafinave (Cvetnica) . Zakoni bullgar i lidhur me dashurinë dhe martesën do të rikrijohet këtë të shtunë, më 12 prill, me..
Shkolla Kombëtare për Artet Folklorike "Filip Kutev" nuk është një shkollë e zakonshme, por një fabrikë e vërtetë për talente. Kjo është shkolla e parë jo vetëm në Bullgari, por edhe në Ballkan për studimin profesional të folklorit. Ndodhet në zemër të..
Bullgaria iu bashkua një nominimi shumëkombësh për anëtarësim në elementin "Traditat e Kullotave", të regjistruar në Listën e Trashëgimisë Kulturore Jomateriale të UNESCO-së. Ngjarja u shënua më 28 mars me nënshkrimin zyrtar të nominimit nga..
Mot i kthjellët