Gjatë 24 orëve të ardhshme mbi Bullgari do të kalojë një front atmosferik i ftohtë. Gjatë natës mbi rajonet veriperëndimore, ndërsa të mërkurën mbi pjesën tjetër të Bullgarisë Veriore dhe në disa rajone në Jug, do të zhvillohet vranësirë me re të dendura dhe reshje të shkurtra shiu me vetëtima dhe bubullima. Do të ketë kushte për breshër. Në rajonet juglindore moti do të jetë kryesisht me diell. Era në pjesën më të madhe të vendit do të jetë mesatare, ndërsa në Rrafshinën e Danubit dhe në perëndim të Ultësirës së Trakisë së Sipërme – përkohësisht e fortë. Do të vazhdojë të depërtojë ajër i freskët. Temperaturat maksimale do të jenë në intervale të gjera – nga 26°-27° në rajonet perëndimore deri në 38°-39° në juglindje.

Mbi masivet malore të Bullgarisë Perëndimore do të zhvillohet vranësirë me re të dendura dhe reshje të shkurtra shiu me bubullima. Sasi më të mëdha reshjesh priten në malin Stara Planina, ku do të ketë edhe kushte për breshër. Temperatura maksimale në lartësi prej 1200 metrash do të jetë rreth 29°, ndërsa në 2000 metra – rreth 17°.

Në bregdetin e Detit të Zi moti do të jetë kryesisht me diell, me shtim të përkohshëm të vranësirave. Do të fryjë erë e lehtë deri në mesatare, e cila në mbrëmje përkohësisht do të forcohet. Temperaturat maksimale do të jenë ndërmjet 28° dhe 32°. Temperatura e ujit të detit është 25°-26°. Dallgëzimi i detit do të jetë 2 deri në 3 ballë.

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: BTA