1200 nxënës nga 15 shkolla profesionale të Bullgarisë do të trajnohen në mjedis real sesi të punojnë në dhjetë profesione. Kjo do të bëhet deri në vitin 2019 ku do të përfundojë projekti bullgaro-zviceran për arsim dual DOMINO. Vlera e tij e përgjithshme është 3 530 000 franka zvicerane. Me çdo një vit arsimor do të rriten orët për punë të nxënësve në mjedis real të punës, ku te fundi ato do të jenë dy ditë të javës në shkollë, kurse në tri të tjerat do të punojnë sipas kontratës dhe kundrejt pagesës në sipërmarrjet e përfshira në skemë. Arsimi dual ose mësimi përmes punës është njëri prej faktorëve kyçë për suksesin ekonomik dhe për nivelet e ulëta të papunësisë në Zvicër, Gjermani dhe Austri.
