Komisioni Evropian miratoi raportin më të ri mbi mekanizmin e bashkëpunimit dhe kontrollimit të Bullgarisë në plotësimin e angazhimeve në reformën gjyqësore, luftimin e korrupsionit dhe krimit të organizuar. Komisioni konsideron se avancimi i Bullgarisë në kuadrin e mekanizmit i përgjigjet plotësimit të angazhimeve të vendit të marra përsipër në momentin e aderimit në BE në vitin 2007. Bullgaria duhet të vazhdojë të punojë për shndërrimin e angazhimeve në legjislacion konkret. Ajo duhet të mbikëqyrë plotësimin e reformave nëpërmjet një këshilli i cili do të punojë pas përfundimit të kontrollimit të Komisionit Evropian. Para se të miratojë vendimin definitiv për heqjen e mekanizmit për Bullgarinë Komisioni Evropian do të dëgjojë qëndrimin e Këshillit të BE-së dhe të Parlamentit Evropian.
Për Rumaninë u vendos që monitorimi të vazhdojë.
