Ky do të ishte kabineti më reformist në tranzicionin bullgar, tha në një konferencë shtypi të partisë "Ka një popull të tillë" (ITN) kandidati i saj për postin e Kryeministrit Nikollaj Vasilev, kandidatura e të cilit u tërhoq ditën e enjte.
"Unë jam i vetmi i cili pushoi nga detyra Deljan Peevski. Unë nuk jam i varur nga Lëvizja për të Drejtat dhe Liritë – DPS (partia e turqve etnik bullgarë dhe e myslimanëve të tjerë në Bullgari) dhe nga veprimet e prapaskenës, "shtoi Vasilev. Unë do të propozoja një ulje të TVSH-së nga 20 në 18%. Politika ime është që të mos u lë trashëgim borxhe fëmijëve tanë. Do të propozoja rritje të pensioneve me 35%, por përmes rritjes ekonomike, si dhe rritje të mprehtë të pagave të mjekëve, mësuesve dhe të profesorëve universitarë, sepse e ardhmja e kombit varet nga ata. Kandidatët për ministra u zgjodhën nga Sllavi Trifonov, nga unë dhe udhëheqja e partisë. Asnjë ambasadë e huaj nuk ka të bëjë me përbërjen e propozuar të qeverisë, theksoi Vasilev.
