Vullneti politik për mbylljen e gjykatave dhe prokurorisë së specializuar nuk do të ndryshojë, tha për BNR Ministrja e Drejtësisë Nadezhda Jordanova.
Projekt-amendamentet në Ligjin për pushtetin gjyqësor të Ministrisë së Drejtësisë janë publikuar për diskutim publik dhe do të votohen në Parlament në muajin mars. Çdo çështje që është në fazën gjyqësore do të shqyrtohet dhe do të përfundojë pa asnjë problem, siguroi Jordanova. Sipas Ministres, po zbardhen detajet se si do të funksionojë Komisioni Kundër Korrupsionit në të ardhmen, veçanërisht për funksionet hetimore. Ajo komentoi se BE-ja është e shqetësuar se hetimet në Bullgari, veçanërisht në disa raste, kanë vazhduar për një kohë të gjatë.
