Investitor i vitit 2009

botuar më 09-12-09 12.05.MD

Foto: BTA

Edhe sivjet Agjencia bullgare e investimeve përsëri dekori investitorë bullgarë e të huaj me çmimin për kontribut të konsiderueshëm në ekonominë. Dekoratën – një statujëzë të punuar nga skulptori Sejfetin Sheqerov e morën 7 kompani në kategori të ndryshme. “12 muajit e fundit ishin të vështirë për tërë botën, përfshirë dhe për Bullgarinë. Ndaj duhet akoma më shumë të theksohet kontributi i investitorëve në ekonominë” – tha drejtori ekzekutiv i Agjencisë së investimeve Stojan Stalev. Investitorët janë vlerësuar sipas investimit të realizuar gjatë 12 muajve të fundit, sipas vendeve të punës të hapura prej tyre, sipas investimeve në sektorët me prioritet dhe prodhimit ekologjik.

“Dua të nënvizoj, se bile në këtë vit të vështirë për Bullgarinë vendi vazhdon të ketë kushte shumë të mira për investime – theksoi Stojan Stalev. – Të tilla janë tatimet e ulëta, korniza liberale juridike, buxheti i balancuar. Ato e bëjnë Bullgarinë një vend shumë tërheqës për investime edhe në infrastrukturën, dhe kjo gjë është jashtëzakonisht e rëndësishme. Ajo që duhet ta kryejmë është ti bëjmë më transparente tatimet në shkallë lokale dhe të vazhdojmë ti ulim barrierat administrative përpara biznesit.”

Një prej çmimeve i u dha Shoqërisë aksionare “Elacite –Med”, një kompani për nxjerrjen dhe pasurimin e bakrit. Gjatë vitit kjo kompani ka investuar në një instalim për thyerjen e xeherorit, i cili kursen transportimin e tij. Me realizimin e projektit kursehet dhe nafta, që është një prej ndotësve ekologjikë. “Me këtë investim do të ulim deri në minimum gazet e serrës që janë shkaku kryesor për ndryshimet e klimës” – theksoi drejtori ekzekutiv i Shoqërisë aksionare “Elacite –Med” inxhinier Dobri Cvetkov. Me statujëzën e Sejfetin Shqerovit u dekorua dhe forma “Tehnogips” për prodhimin e gips-kartonit.

Sipas ministrit të zhvillimit regjional Rosen Plevneliev: “Në botë ka vetëm tre prodhues të gips-kartonit dhe të fletave prej tij. Dhe ja se tani një shoqëri bullgare ka guxuar të ndërtojë një fabrikë jashtëzakonisht moderne në Bullgari dhe të shesë produkte të cilësisë botërore në tregjet evropiane.” – tha ministri duke dorëzuar çmimin.

Me çmimin e Agjencisë së investimeve u dekorua edhe shoqëria AES (Ej i Es Geo Energji) për ndërtimin e një parku të prodhimit të energjisë elektrike nga era. Për investime në sektorin energjetik dekorata i u dha edhe firmës “ABB-Automejshën” për investimin e afro 15 milionë eurosh në një uzinë të re të prodhimit të aparaturave të tensionit të ulët dhe të lartë, në të cilin shoqëria ka hapur 200 vende të reja të punës. Kjo është uzinë e tretë e koncernit ABB në Bullgari. Menaxheri i ABB-së për Bullgarinë Piter Simon nënvizoi: “Shpresojmë, se mund të investojmë akoma më shumë. Dhe duhet t’ju sigurojë se e bëjmë këtë sepse kushtet dhe korniza ligjore në Bullgari janë shumë të favorshme për investitorët.”

Me çmimin “Investitor i vitit” u dekoruan gjithashtu firma “Iksetik” nga Plovdivi, filial i firmës gjermane “Iksetik”, për investim në një uzinë të teknikës hidraulike, firma bullgare “Rolplast” qe merret me prodhimin e dritareve dhe dyerve prej plastmase dhe firma “Enel-Marica Iztok-3” për rehabilitimin dhe modernizimin e këtij termocentrali për 700 milionë euro, 160 milionë prej të cilave janë investuar në projekte ekologjike.

Përgatiti në shqip: Gjullka Ilieva

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Investitor i vitit 2009

Më shumë nga rubrika

Statistikat tregojnë një rënie të mprehtë të inflacionit vjetor në vend

Një mbledhje e bashkive në resortin “Albena” diskuton problemet e pushtetit vendor

Këshilli trepalësh sërish nuk ra dakord për pagën minimale për vitin 2025