“Kjo do të kursente shumë shpenzime – shënoi Dobromir Dobrinov nga “Ballkani i Gjelbër”. – Tani investitori së pari e blen tokën, pas kësaj bëhet vlerësim i ndikimit mbi mjedisin rrethues, i cili mund të tregojë se synimet e investitorit i përkasin një zone të mbrojtur. Kjo çon deri në humbje për investitorët dhe shumë prej tyre fillojnë të kërkojnë mënyra për t’iu shmangur ligjit.” Sipas Dobromir Dobrinovit vetëm moratoriumi mund t’i ndalojë këto praktika, të cilat çuan deri në procedura penale kundër Bullgarisë nga ana e BE-së. Organizatat ekologjike janë të mendimit se masat drastike janë të domosdoshme pikërisht që të bllokohet ndotja e mëtejshme e natyrës dhe të garantohet një zhvillim normal i këtij sektori. 
Ekologët janë kategorikë se mungesa e një strategjie të tërësishme për zhvillimin e burimeve ripërtëritëse energjetike në Bullgari ka çuar në disa vende deri në humbjen katastrofale të shumëllojshmërisë biologjike. Ndërtimi i centraleve të vogla hidraulike për shembull e ndalon rrymën ujore dhe asgjëson ihtiofaunën e lumenjve, shënon Andrej Ralev nga Shoqata për natyrë të egër Ballkan: “Në vise emblematike tashmë janë ndërtuar centrale termike – shpjegon ai – Në qoftë se nuk merren masa të ngutshme, do të ndërtohet tërë rajoni afër lumenjve Marica, Iskër dhe Jantra. Kjo me siguri do të çojë deri në moszbatim të direktivës bazë për ujërat e BE-së.” 
Ekologët janë të mendimit se në Bullgari centralet termike duhet të ndërtohen në territore të urbanizuara. “Kudo në botë ato ndërtohen afër konsumatorit, që të mos humbet energjia elektrike në transferim”, shënon Svilen Ovçarov nga “Avokatët e gjelbër”. “Ndërtohen parqe të vogla me gjeneratorë me ajër, si dhe centrale fotovoltaike në zonat industriale – shtoi ai. – Në Bullgari ka shumë zona të prapambetura industriale që nga koha e socializmit. Aktualisht Ligji për organizim të territoreve është një procedurë e vështirë, e cila i pengon projektet e mira dhe krijon kushte për korrupsion dhe për inkurajimin e projekteve, të cilat e ndotin natyrën. Ne duam që këto procedura të ndryshohen në mënyrë të tillë, kështu qe të ketë kufizime për projekte, të cilat e asgjësojnë natyrën dhe të ketë lehtësime për projektet për zonat industriale. Përveç kësaj teknologjitë e përdorura në Bullgari janë shumë të vjetra. Ne duam që të ketë lehtësime tatimore për investimet në teknologjitë e reja ekologjike.” 
Profesioni i kuzhinierit po bëhet gjithnjë e më prestigjioz, dhe njerëzit që merren me të duhet ta duan vërtetë, sepse orët e punës janë të shumta, ngarkesa dhe përgjegjësitë – gjithashtu. Mbrojtësi qiellor i kuzhinierëve është Shën Lorenci – një..
Është gjithmonë bukur dhe frymëzuese kur flasim për talentet bullgare në mbarë botën. Dhe është edhe më frymëzuese kur bëhet fjalë për fëmijët. Në një ceremoni të veçantë në Sofje, Agjencia Ekzekutive për Bullgarët Jashtë Shtetit vlerësoi fituesit e..
Si çdo vit, të shtunën e dytë të muajit gusht fillon sezoni i gjuetisë për thëllëzën, pëllumbin e egër, turtullin dhe në përgjithësi për speciet shtegtuese të egra. Sipas rregullave të përcaktuara, gjuetia kryhet vetëm gjatë ditës – një orë para lindjes..
Si çdo vit, të shtunën e dytë të muajit gusht fillon sezoni i gjuetisë për thëllëzën, pëllumbin e egër, turtullin dhe në përgjithësi për speciet..
Është gjithmonë bukur dhe frymëzuese kur flasim për talentet bullgare në mbarë botën. Dhe është edhe më frymëzuese kur bëhet fjalë për fëmijët. Në një..
Profesioni i kuzhinierit po bëhet gjithnjë e më prestigjioz, dhe njerëzit që merren me të duhet ta duan vërtetë, sepse orët e punës janë të..
Mot i kthjellët
Pjesërisht me re