Georgi Përvanov shënoi se në të duhet të paraqitet si e kaluara, ashtu dhe kultura bashkëkohore – me ekspozita dhe lexime letrare. “Tani, kur vendi ynë është anëtar i BE-së, për ne është shumë e rëndësishme të paraqitim identitetin tonë, ta mbrojmë”, shënoi ai.

Në përgatitjen e ekspozitës kanë marrë pjesë specialistë nga Instituti Arkeologjik Kombëtar me Muze pranë Akademisë Bullgare të Shkencave, nga muzetë në Shumen, Pliska, Veliki Presllav dhe Veliko Tërnovo (Bullgari Veriore), nga administrata e Presidencës. Profesore Margarita Vaklinova, drejtoreshë ekzekutive e Institutit Arkeologjik, saktësoi se një ekspozitë e tillë nuk është paraqitur deri tani tek ne. Në të në një vend mund të shihen relikte të grumbulluara nga kryeqytetet tona të Mesjetës. Disa prej tyre janë të njohura, por në të njëjtën kohë shumë njerëz nuk i kanë parë. Ajo e falënderoi Presidentin për iniciativën “Ruani traditën bullgare”, e cila ka inkurajuar shumë të rinj për t’i ndihmuar arkeologët.

“Tani ka një ekip të madh, i cili zhvillon aktivitet të madh në Bullgari, duke marrë pjesë në studimin dhe njohjen e kulturës bullgare të Mesjetës edhe të tri kryeqyteteve – tha profesoresha Vaklinova. – Mendoj se ky është një prej hapave më të rëndësishëm të bërë për brezin e ri. I faleminderit të rinjtë – tashmë aq shumë shkolla në Bullgari dhe universitete marrin pjesë në programin “Ruani traditën bullgare”. Këto janë klube të mrekullueshme, të cilat bënë shumë që të realizohen të gjitha këto zbulime të reja në tri kryeqytetet e vjetra.”

Përgatiti në shqip: Vesella Mançeva