Fushata bamirëse “Zgjidh për të ndihmuar”

botuar më 10-02-03 11.56.PD

Gjithsej 35 projekte me rëndësi sociale, shëndetësore, kulturore dhe ekologjike morën financim në saje të fushatës bamirëse “Zgjidh për të ndihmuar”. Ideja e kësaj fushate, të organizuar nga Raiffeisen Bank dhe portali i internetit Dir.bg, është që të mblidhet financim për kauza të rëndësishme bullgare. Gjatë nismës, e cila vazhdoi një muaj, çdo dhurues mund të zgjidhte cilën kauzë të mbështetë. Për pak kohë u mblodhën 184 mijë euro. Mbi 70% prej tyre janë për projekte shëndetësore. Më shumë para u mblodhën për Spitalin e specializuar për mjekim të fëmijëve me sëmundje onkohematologjike (33 mijë euro) dhe për Spitalin kombëtar të kardiologjisë (32 mijë euro).

Në saje të fushatës Asociacioni i pacientëve me sëmundje onkologjike mori 6 mijë euro për një projekt të lidhur me ndihmën sociale të njerëzve me sëmundje onkologjike, tha kryetarja e asociacionit Evgenia Adërska. “Dua t’i falënderoj të gjithë njerëzit që mbështetën këtë nismë – tha zonja Adërska. – Paratë që morëm do t’i përdorim për zgjerimin e kujdesit për të sëmurët dhe në ndihmën jashtëspitalore. Përpiqemi të vërtetojmë se në ekipet që kujdesen për njerëzit me sëmundje onkologjike duhet të ketë dhe një psikolog dhe një nëpunës social. Ëndrra jonë është të ndërtojmë një qendër, në të cilën të sëmurët të marrin të gjithë këtë që nuk e marrin nga sistemi i shëndetësisë.”

Në kategorinë “Projekte sociale” financim mori shtëpia për jetimë “Shën Nikolaj” në Novi Han. Themelues i shtëpisë është atë Ivan Ivanovi, i cili e ndërtoi në saje të dhurimeve. Nga themelimi deri tani në të kanë gjetur strehim mbi 250 veta, ndër të cilët shumë fëmijë dhe nëna të vetmuara. “Tani në shtëpi banojnë 120 veta – thotë prifti. – Kemi kushte shumë të mira, na ndihmojnë shumë njerëz. Dua t’i falënderojë dhuruesit. Më gëzon fakti se shumë njerëz marrin pjesë në fushata të tilla dhe hapin zemrat e tyre për të ndihmuar ata që kanë nevojë. Ka shumë njerëz në Bullgari që vuajnë, nuk kanë strehë, nuk kanë ushqim. Por gjërat përmirësohen dhe këtë e shoh në saje të përvojës sime. Shpresoj me mjetet që morëm të bëj kushtet e jetesës në shtëpi më të mira. Gjatë pranverës shpresoj të hap një shërbim mjekësor me mjekë dhe dentistë.”

Ndihmë financiare prej 6 mijë eurosh mori dhe Qendra për shpëtim të kafshëve të egra e organizatës ekologjike “Ballkani i gjelbër” në Stara Zagora. U mblodhën dhe mjete për restaurim të kishës mesjetare “Shën Arkangjel Mihail” dhe për restaurim të pikturave në mur në kishën “Shën Gjergji” në Asenovgrad.

Përgatiti në shqip: Ekaterina Tarpomanova

По публикацията работи: Darina Grigorova

Последвайте ни и в Google News Showcase, за да научите най-важното от деня!

Ndaje

Fushata bamirëse “Zgjidh për të ndihmuar”

Më shumë nga rubrika

BTA prezanton një font unik me rastin e përvjetorit të saj

Gëzuar 89 vjet, Radio Bullgaria!

Një lajm i mirë – pelikani i parë i sezonit u çel pranë Tutrakanit