Bullgaria do të marrë financim prej 5 miliardë eurove nga BE-ja

botuar më 10-02-11 10.45.PD

Foto: arkiv

Bullgaria do të marrë subvencionime prej 3,3 miliardë eurove, pasi Komisioni Evropian debllokoi mjetet e fondeve evropiane për dy programe operative, bëri të ditur kryeministri Bojko Borisov. Kështu nga programi operativ “Transport” vendi ynë do të marrë 2 miliardë euro, kurse nga programi “Konkurrueshmëri” – 1,3 miliardë euro. Këto mjete janë shumë të rëndësishme për biznesin e mesëm dhe të vogël në vend. Një ditë më parë Brukseli lejoi financimin dhe në kuadër të dy programeve të tjera – “Zhvillimi rajonal” dhe “Ndihma teknike”. Beneficientët kryesorë janë bashkitë, që do të kenë mundësi të përvetësojnë 1,7 miliardë euro. KE miratoi mënyrën e administrimit dhe pagimit të projekteve që kandidojnë për këto programe.

“Këto katër vlerësimet pozitive nga gjithsej shtatë programet na japin mundësi të punojmë me më shumë para. Na duhen dhe projekte më të mira. Kështu rritet reputacioni i Bullgarisë në KE – komentoi miratimin e Brukselit për debllokim të fondeve evropiane ministri i financave Simeon Djankov. – Kjo është aq e rëndësishme, sa dhe mundësitë e reja financiare, resursi që do të hyjë në ekonomi nga programet e ndryshme. Gjatë të 6-7 muajve të fundit Bullgaria u bë vendi me reputacionin më serioz për sa i përket disiplinës fiskale në BE. Tani duhet të fitojmë reputacionin e një shteti, në të cilin procedurat e programeve operative janë të tilla, siç duhet të jenë në BE.”

“Mjetet nga programi “Konkurrueshmëri” janë para reale që hyjnë në biznes për projekte konkrete. Kështu që biznesi duhet të jetë aktiv – tha ministri i ekonomisë Trajço Trajkov. – Letra nga KE-ja për debllokimin e fondeve është një lajm shumë i mirë, sepse hap rrugën e hyrjes së menjëhershme të resurseve financiare reale në ekonominë bullgare.”

Vlerësimi pozitiv për programin operativ “Transport” është një shenjë e qartë se kemi krijuar sisteme të sigurta të kontrollit dhe administrimit të mjeteve, komentoi ministri i transportit Aleksandër Cvetkov.

“Caku financiar i programit është 2 miliardë euro. Do të financohen projektet më të mëdha dhe më të rëndësishme infrastrukturore në vend – ndërtimi i autostradave, rekonstruimi i vijave hekurudhore, përmirësimi i lundrimit në lumin Danub, metroja e kryeqytetit – shpjegoi ministri Cvetkov. – Fatkeqësisht deri në muajin gusht të vitit të kaluar nuk kishte projekte të gatshme dhe përvetësimi i mjeteve të këtij programi ishte 1,5%. Tani kemi shumë projekte, që tashmë finalizohen.”

Miratimi i sistemeve të kontrollit të katër programeve evropiane i jep mundësi Bullgarisë të shfrytëzojë 5 miliardë euro. Deri në mes të shkurtit priten vlerësimet për tri programet e tjera – “Mjedisi”, “Kapaciteti administrativ” dhe “Resurset njerëzore”.

Përgatiti në shqip: Ekaterina Tarpomanova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Bullgaria do të marrë financim prej 5 miliardë eurove nga BE-ja

Më shumë nga rubrika

"Kombi i shopëve" si një grup etnografik bullgar dhe një "diagnozë" serbe

Karta bullgare e identitetit është zgjedhur si më e mira në Evropë në një ekspozitë prestigjioze në Zvicër

Fëmijët bullgarë fituan një konkurs në SHBA për të projektuar një koloni hapësinore

Karta bullgare e identitetit është zgjedhur si më e mira në Evropë në një ekspozitë prestigjioze në Zvicër

Fëmijët bullgarë fituan një konkurs në SHBA për të projektuar një koloni hapësinore

"Kombi i shopëve" si një grup etnografik bullgar dhe një "diagnozë" serbe