Sfidat bashkëkohore para sigurisë së informacionit

botuar më 10-03-25 12.23.MD

Sipas analizatorit Evelin Stoev faktorët që do të ndihmojnë më shumë për përhapjen e produkteve për sigurinë e informacionit do të jenë fondet strukturore të BE-së dhe forcimi i projekteve të teknologjive të informacionit në administratën shtetërore.

Foto: computerworld.bg

Kompanitë në Evropën Qendrore dhe Lindore kanë frikë nga zbulimi i informacionit për klientët, viruset dhe sabotazhi i brendshëm dhe më pak nga spam-i, humbja e të dhënave dhe sulmet përmes chat-it. Këtë e tregoi një studim i IDC që u prezantua nga analizatori i degës bullgare të IDC Evelin Stoev në forumin e përvitshëm ndërkombëtar të kompanisë për sigurinë e informacionit. Sipas zotit Stoev faktorët që do të ndihmojnë më shumë për përhapjen e produkteve për sigurinë e informacionit do të jenë fondet strukturore të BE-së dhe forcimi i projekteve të teknologjive të informacionit në administratën shtetërore. Pengesat kanë të bëjnë me kufizimin e buxheteve të firmave për shkak të krizës. Klienti i madh i këtij tregu – administrata shtetërore, ngadalësohet me përdorimin e këtij lloji produktesh, kurse sektori privat ende nuk është gati të përvetësojë mjetet evropiane, mendon analizatori. Studimi i IDC në Evropën Lindore tregoi se 57% të firmave në sektorin energjetik, 53% të firmave që ofrojnë shërbime financiare dhe 51% të kompanive të telekomunikacioneve do të investojnë në forcimin e sigurisë së informacionit në të ardhmen e afërt.

“Në Bullgari ende nuk kemi ndonjë skandal të madh, siç kishte në Evropën Perëndimore dhe në SHBA – tha Evelin Stoev. – Domethënë ndonjë haker të vjedhë të dhënat e një milionë vetave, por mund të jeni të sigurt se kjo do të ndodhë, po të mos merren masa.”
Menaxherja e degës bullgare të IDC Neli Vaçeva tha se vendi ynë mbetet prapa me aplikimin e noviteteve në sigurinë e informacionit, me përjashtim të kompanive të telekomunikacioneve dhe institucioneve financiare.

“Në industritë e tjera këto vendime mbeten prapa dhe problemet zgjidhen me mjete të thjeshta si programe antivirus dhe antispam – shpjegoi ajo. – Kërcënimet më të mëdha për sigurinë në Bullgari janë lidhur me vjedhjen dhe ndërrimin e identitetit që më tej çon në vjedhje të llogarive ose mashtrime të tjera.”

Kalin Panev, drejtor i certifikimit në Byro Veritas, me një përvojë të madhe në fushën e sigurisë së informacionit, shpjegon: “Siguria e informacionit është një çështje që ka të bëjë me biznesin dhe politikën që e përcakton. Biznesi kërkon rentabilitet në vendimet për sigurinë. Në se nuk i tregoni rentabilitet, nuk mund ta bindni të investojë. Organizatat e ndryshme kanë nevoja të ndryshme në fushën e sigurisë së informacionit dhe çdo një organizatë duhet të përcaktojë se çfarë kërkon – fshehtësi, tërësi ose akses të shpejtë të informacionit. Për shembull për shërbimet noteriale ka nevojë për fshehtësi të informacionit, si edhe për tërësi të të dhënave. Por për një organizatë që merret me prognoza financiare nuk ka nevojë për tërësi, sepse ajo punon me tendenca, prognoza, thashetheme, pra me rëndësi është aksesi i informacionit. Pra, për llojet ndryshme të biznesit ka prioritete të ndryshme dhe nuk ka një vendim universal.”

Përgatiti në shqip: Ekaterina Tarpomanova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Sfidat bashkëkohore para sigurisë së informacionit

Më shumë nga rubrika

WWF Bullgaria i kushton vëmendje mbrojtjes së arinjve

Pse disa nga rrugët e Pragës mbajnë emrat e iluministëve bullgarë?

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?

Magji festive me këngë, valle dhe takime me Plakun e Krishtlindjeve në Qytezën e Festave të Fundvitit në Pleven

Bullgaria bëhet vendi i katërt evropian që zbaton inovacione për trajtimin e plagëve kronike

Gjimnazistë bullgarë në një betejë me dezinformimin