Bullgaria nevojitet për politika të koordinuara në fushën e punësimit, të ardhurave dhe arsimit

botuar më 10-03-31 11.54.PD

Këshilli ekonomik dhe social – Parlamenti civil i Bullgarisë miratoi një pako qëndrimesh, të cilat paraqesin pozitat e shoqërisë civile mbi problemet më aktuale të vendit në plan afatmesëm dhe afatgjatë. Ato u përkasin masave për rimëkëmbjen e ekonomisë pas krizës, të cilat do të aktivizojnë tregun e punës. Kjo përfshin masa për rritjen e kualifikimit të krahut të punës, të mbrojtjes civile, të të ardhurave të bullgarëve, si dhe masa për stabilizim të sistemit të pensionimit. Qëndrimet e Parlamentit civil të Bullgarisë janë bazë për përpunimin e politikave adekuate qeveritare në sfera të veçanta. Këshilli ekonomik dhe social i Bullgarisë është pjesë e rrjetit të këshillave ekonomikë dhe socialë të shteteve anëtare të BE-së. Qëndrimet e tyre janë pjesë e debateve për drejtimin e zhvillimit të Evropës deri në vitin 2020.

Sipas ekspertëve të Këshillit ekonomik dhe social ekonomia bullgare është ndikuar shumë nga kriza për shkak të karakterit të saj të hapur, orientimit të saj ndaj prodhimeve energjetike me vlerë të dobët të shtuar dhe dekualifikimit të krahut të punës gjatë disa viteve të fundit. Krijimi i ekonomisë së diturisë nuk ka alternativë. Ajo do të sigurojë një rritje të lartë ekonomike dhe mundësi për realizim dhe jetë të denjë të çdo bullgari. Prandaj ka nevojë për përpjekjet e përbashkëta të shtetit dhe të biznesit për inkurajimin e investimeve dhe të veprimtarisë studiuese, si dhe për përvetësimin e shpejtë të financimit evropian në kuadrin e programeve operative të biznesit. Sipas Këshillit ekonomik dhe social tregu i punës në Bullgari vuan nga deformime të qëndrueshme strukturore. Një pjesë e madhe e krahut të punës është zënë në sektorë të ekonomisë me prodhueshmëri të dobët të punës. Vendi humb përparësi konkurrente në sferën e teknologjive të reja për shkak të mungesës së kuadrove të kualifikuar dhe të industrive. Është ndërprerë lidhja “pagë pune – prodhueshmëri e punës”. Për zgjidhjen e problemeve të tregut të punës pas krizës ka nevojë për veprime të shpejta, tha anëtari i Këshillit ekonomik dhe social Pllamen Dimitrov – zëvendëskryetar i Konfederatës së sindikatave të pavarura në Bullgari.

“Masat më të ngutshme i përkasin përpunimit të një politike të përbashkët, ose të një programi për rimëkëmbjen e ekonomisë, të tregut të punës dhe punësimit në përgjithësi, gjë që duhet të fillojë menjëherë pas marrjes së masave kundër krizës të qeverisë – shtoi ai. – Masat kundër krizës duhet të bëhen pjesë e këtij programi. Në të elementi kryesor duhet të jenë vendet e reja të punës, sektorët e rinj, në të cilët shteti duhet të ketë përparësi konkurrente. Për to duhet të krijohet caku përkatës kualifikues. Mirëpo duhet të jetë e qartë se cilët sektorë të ekonomisë duhet të zhvillojmë me prioritet si pjesë e ndarjes evropiane të punës.”

Një vëmendje të posaçme Këshilli ekonomik dhe social i kushton përfshirjes së të rinjve në tregun e punës pasi mbarojnë arsimin e tyre. Kjo mund të bëhet nëpërmjet vendeve për stazhierë ose krijimit të vendeve të punës me pjesëmarrjen financiare të shtetit – i ashtuquajturi punësim i subvencionuar. Këshilli ekonomik dhe social propozon përpunimin edhe të një programi kombëtar, analogjik të atij evropian “Aftësi të reja për vende të reja pune”. Kjo përfshin përkrahjen financiare për përgatitjen profesionale të kuadrove për vende pune me efikasitet të lartë në ekonominë tradicionale, në sektorë me teknologji të larta dhe në prodhimet me orientim ekologjik. Propozohet krijimi i një fondi kombëtar për investime në kualifikimin e të rinjve. Sipas ekspertëve të Këshillit ekonomik dhe social ka mundësi për gjetje të kuadrove me kualifikim profesional nëpërmjet inkurajimit të mobilitetit gjeografik dhe profesional të bullgarëve të kualifikuar që punojnë jashtë. Pllamen Dimitrovi shton:

“Ne apelojmë për krijimin e një Agjencie unike të migracionit, e cila t’i vëzhgojë dhe t’i udhëheqë këto procese – si të lëvizjes së bullgarëve jashtë, ashtu dhe të lëvizjes së imigrantëve drejt Bullgarisë kryesisht nga vende të treta. Më e rëndësishmja është vëzhgimi i krahut bullgar të punës jashtë, krijimi i regjistrave për bullgarët me arsim dhe kualifikim të lartë, për studentët, të cilët studiojnë atje, për talentet e shtetit tonë, përdorimi i tyre atje dhe stimulimi për t’u kthyer në atdhe, që ta ndihmojnë me dituritë dhe përvojën e tyre tregun bullgar të punës.”

Sa u përket të ardhurave bullgarët janë në vend të fundit ndër evropianët e tjerë. Sipas ekspertëve duhet të kërkohet një lidhje e drejtpërdrejtë midis rritjes së pagave dhe prodhueshmërisë së punës. Pagimi duhet të jetë në përputhje me rritjen e inflacionit, duhet të përdoren sistemet e shpërblimeve, të lidhura me sasinë dhe cilësinë e punës së kryer.

Përgatiti në shqip: Vesella Mançeva

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Bullgaria nevojitet për politika të koordinuara në fushën e punësimit, të ardhurave dhe arsimit

Më shumë nga rubrika

Programi arsimor "Tregimet e pathëna të bullgarëve" me mbështetje të madhe brenda dhe jashtë vendit

Për herë të parë që nga viti 1985, në vendin tonë ka një rënie pothuajse zero të popullsisë

Grafitet në Bllagoevgrad kujtojnë historinë tonë 20-vjeçare në NATO

Gjysma e diabetikëve në Bullgari nuk janë diagnostikuar dhe konsiderohen të shëndetshëm

Tirana njoftoi të dhëna zyrtare të përditësuara për bullgarët në Shqipëri