Konsumimi i energjisë ekologjike në Bullgari

botuar më 10-04-06 12.06.MD

Konsumimi i energjisë elektrike, prodhuar nga burime ripërtëritëse energjetike arriti afro 10 për qind nga konsumimi i përgjithshëm i rrymës elektrike në vend. Pjesa më e madhe zërë rryma elektrike prodhuar nga centrale ujore, të ndjekur nga impiantet e erës dhe fotovoltaike. Ky është konkluzioni bërë nga ministri ekonomik Trajço Trajkov në raportin për plotësimin e angazhimeve të Bullgarisë ndaj BE-së. Një nga klauzolat e marrëveshjes së aderimit të Bullgarisë me BE-në është që gjatë vitit 2010, 11 për qind nga konsumimi i përgjithshëm i energjisë elektrike në vend të sigurohet nga burime përtëritëse energjetike, si biomasa, uji, dielli, burimet gjeotermale, era. Deri në vitin 2020 ky tregues duhet të arrijë 16 për qind.

Gjatë vitit 2009 u ndërtuan kapacitete për prodhimin e 221 megavate energji elektrike nga era. Në fund të vitit 2009 në shfrytëzim u vu edhe parku më i madh i erës në vend “Shën Nikolla”. Kapacitetet e impianteve fotovoltaike u rrit nga 0.03 deri në 5.7 megavate në periudhën e viteve 2007-2009. Në shfrytëzim janë dy centrale të kombinuara të bogazit, që prodhojnë 1.9 gigavatorë energji elektrike. Vështirësitë kryesore për realizimin e projekteve rrjedhin nga mungesa e vlerësimit strategjik ekologjik për zhvillimin e burimeve përtëritëse energjetike, për statusin e tokave bujqësore nën impiantet e burimeve ripërtëritëse energjetike dhe nga ndërtimi i ngadaltë i kapaciteteve të reja pranë rrjetit elektrik.

Ministria e Ekonomisë dhe Energjetikës deklaroi, se përkrah të gjitha projektet investuese për zhvillimin e burimeve ripërtëritëse energjetike dhe të energjisë së gjelbër. Nga data 1 prill i vitit 2010 çmimi i energjisë së burimeve ripërtëritëse energjetike u rrit me 2 për qind. Vetëm çmimi i energjisë diellore do të ulë me më se 3 për qind. Prodhuesit e energjisë ekologjike reaguan negativisht pasi dëgjuan këtë informacion. Ata përkrahën pozitën, se çmimet preferenciale të energjisë së gjelbër do të stimulojnë zhvillimin e kësaj dege ekonomike, ndërsa pezullimi dhe rritja e çmimeve do të ndikojë negativisht mbi zhvillimin e sektorit. Dhoma Tregtare Amerikane në Bullgari llogariti, se për arritjen e qëllimit kombëtar për sigurimin e 16 për qind të energjisë nga burime ripërtëritëse energjetike gjatë vitit 2020, janë të domosdoshme investime në përmasë nga 4 deri në 6 miliard euro. Sipas ekspertëve urdhëresa e re për çmimet e energjisë së burimeve ripërtëritëse energjetike është një sinjal i keq për investitorët. Ulja e çmimeve preferenciale të energjisë së siguruar nga centralet fotovoltaike shton rrezikun e kreditimit të projekteve të tilla. Kjo është një pengesë për ata, që dëshirojnë të investojnë në këtë fushë.

Prodhimi i energjisë nga biomasa dhe era do të zhvendosë ujin nga vendi kryesor ndër burimet ripërtëritëse energjetike në Bullgari. Këtë e tregon analiza e Institutit Ekonomik pranë Akademisë Bullgare të Shkencave lidhur me perspektivat e prodhimit të energjisë nga burime ripërtëritëse energjetike tek ne. Aktualisht centralet ujore janë lidere në prodhimin e energjisë ekologjike në vend. Por ekziston rrezik real nga sosja e rezervave ujore. Në vend të dytë radhitet prodhimi i energjisë elektrike nga biomasa dhe nga plehra, të ndjekur nga centralet elektrike të erës. Prodhimi i energjisë diellore mbetet në një pozitë më të prapme, sepse për kushtet në Bullgari ky është një investim i shtrenjtë. Për prodhimin e kësaj energjie lëndët e para importohen nga jashtë. Investimet e mëdha për burimet përtëritëse energjetike janë një sfidë para ekonomisë bullgare. problemi kryesor është si Bullgaria do të arrijë qëllimin, që deri në vitin 2020, energjia e prodhuar nga burime ripërtëritës energjetike të arrijë 16 për qind.

Përgatiti në shqip: Svetllana Dimitrova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Konsumimi i energjisë ekologjike në Bullgari

Më shumë nga rubrika

Konfederata e Punës “PODKREPA” kritikoi ashpër projektin për ndryshime në Kodin e Punës

Biznesi është i shqetësuar se kriza politike po pengon zhvillimin e vendit

“Lukoil” mohoi se është duke negociuar me një konsorcium për shitjen e rafinerisë në Burgas