Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Sasha Bezuhanova - liderе në biznesin evropian

Foto: BGNES
Për herë të parë në historinë e Dekoratave evropiane LEADERSHE një zonjë bullgare është e dekoruar mes grave me një ndikim më të madh në Kontinentin e vjetër, të cilat me punën e vet kanë kontribuar për një ndryshim të rëndësishëm në komunitetet e veta profesionale ose sociale. Gjatë kohës së Takimit të pestë të grave lidere në fushën e biznesit, të politikës dhe të jetës sociale në Evropën Qendrore dhe Juglindore “LEADERSHE 2010” të zhvilluar në Vjenë, Sasha Bezuhanova - një nga tre nominimet bullgare, mori dekoratën në kategorinë “Biznes”. Drejtorеsha e drejtorisë “Administratë publike” në Kompaninë “Hewlett-Packard” për Evropën Qendrore dhe Lindore prej viteve është simbol i karrierës së suksesshme në një botë tipike burrash.

“Mendoj se, si damat ashtu dhe meshkujt hyjnë në pozita liderësh, në qoftë se kanë ide të mira, talent, në qoftë se kanë kurajë të realizojnë rrugën e vet - thotë Sasha Bezuhanova. Unë nuk e ndaj botën në një plan profesional në burra dhe gra. E ndaj në njerëz të cilët kanë ide të mira dhe mund t’i tërheqin dhe t’i drejtojnë të tjerët, dhe të tillë të cilët i ndjekin. Gëzohem se gjithnjë e më shumë shikoj gra të virtytshme, të cilat zënë me të drejtë vendin e vet dhe në rolet lidere.”

Nën drejtimin e Sasha Bezuhanovës, ekipi bullgar i kompanisë ndërton me sukses IT-infrastrukturat e 3 kompanive më të mëdha të telekomunikacionit, të ndërmarrjeve industriale, institucione shtetërore dhe financiare në vend dhe në regjion. Disa nga këto projekte janë kontribut drejt praktikës botërore të kompanisë “Hewlett-Packard”. Sipas Sasha Bezuhanovës në situatën e krizës gratë-lidere luajnë një rol akoma më të madh në procesin shoqëror. Sepse ata kanë një refleks më të mirë sa i përket kësaj se si drejtohen sistemet në një situatë krize. Ata kanë dhe një qëndrim mjaft adekuat, kur nevojitet riorganizim në ekipet. Mundin t’i fusin dhe t’i përshtatin dhe të sigurojnë tërësinë e kolektivit, pa pasur pasoja të rënda për veprimtarinë.

“Unë besoj se kriza është shëruese në një plan afatmesëm - thotë Sasha Bezuhanova. Ka një periudhë të dhimbshme, në të cilën formatet e vjetra dhe modelet e drejtimit nuk punojnë. Por kriza e detyron mjedisin të investojë tek modelet e reja. Ajo ngre një lloj të ri lideri. Për shembull teknologjitë për kursimin e energjisë, teknologjitë e gjelbra, të cilët në bazë të një ose tjetër shkaku u vonuan. Jam e bindur se kriza do të ngrejë në sipërfaqe tipin e ri të drejtuesve, një tip të ri të menaxherëve, burra dhe gra, të cilët kanë zhdërvjelltësinë dhe vizionin se si të kenë sukses në realitetet e reja ekonomike."
Arritja më e konsiderueshme e Sasha Bezuhanovës është pozicionimi i Bullgarisë për ndërtimin e Qendrës Globale për shërbime të “Hewlett-Packard”, që shërben klientë të kompanisë nga Evropa, Lindja e Mesme dhe Afrika. Kjo e vuri vendin tonë në IT hartën investuese botërore. Por kjo, sipas Sasha Bezuhanovës, nuk është e mjaftueshme. Bullgaria ka tradita në sektorin IT, por ai akoma nuk është prioritet i shtetit. Ajo pret në rend të ditës të vijë teza për IT-shtet, të quajtur Bullgaria. Sasha Bezuhanova është e bindur se humbasim mundësi të shumta, duke u shtyrë në kohë. Ajo pret një debat më pragmatik shoqëror, që të mund vendi ynë të rivendos pozitat, të cilat i ka pasur në të kaluarën.

Përgatiti në shqip: Nataniela Vasileva
По публикацията работи: Iliana Rajçeva


Последвайте ни и в Google News Showcase, за да научите най-важното от деня!

Më shumë nga rubrika

Interesi për arsimin e lartë në Bullgari po rritet mes bullgarëve nga Ukraina, Moldavia dhe Maqedonia e Veriut

Vazhdon të jetë i qëndrueshëm interesi për universitetet bullgare nga të rinjtë me origjinë bullgare që jetojnë jashtë vendit, të cilët aplikojnë përmes Dekretit Nr. 103 të Këshillit të Ministrave të vitit 1993. Ky vendim parashikon kushte..

botuar më 25-08-20 4.05.MD

Mbetjet e dinozaurëve u gjetën pranë qytetit Trën

Shkencëtarë zbuluan kocka të reja të dinozaurëve dhe kafshëve të tjera kurrizore pranë qytetit Trën, në Bullgarinë Perëndimore. Zbulimi u bë gjatë Ekspeditës së Tetë Paleontologjike të organizuar nga Muzeu Kombëtar i Historisë Natyrore pranë Akademisë..

botuar më 25-08-19 2.51.MD

Fushata e WWF-Bullgaria siguroi pajisje për vullnetarët që marrin pjesë në shuarjen e zjarreve

Formacione vullnetare nga e gjithë Bullgaria, që marrin pjesë në shuarjen e zjarreve, morën pajisje të blera falë donacioneve nga mbi 1800 persona përmes një fushate të organizuar nga WWF-Bullgaria, njoftoi organizata për mbrojtjen e natyrës, e..

botuar më 25-08-19 10.08.PD