Vendpushimi Allbena do të tërheqë turistë me paketa promocionale

botuar më 10-04-15 12.03.MD

Drejtoria e kompleksit Allbena është në pritje të fluksit të parë të turistëve gjatë muajit maj

Foto: Veneta Nikollova

Sivjet punonjësit në fushën turistike po përgatiten për një stinë të rëndë turistike verore. Ende asnjëri nuk do që të prognozojë se çfarë do të jetë vera 2010, por një gjë është e sigurt – sukses do të ketë ai, i cili ofron paketat më të leverdishme promocionale. Një pjesë e madhe e vendpushimeve tona i ulën në mënyrë drastike çmimet që gjatë verës së kaluar, kur për herë të parë që prej shumë vitesh bregdeti ynë regjistroi një ulje shqetësuese të numrit të turistëve. Aktualisht komplekset tona bregdetare shpresojnë kryesisht tek shërbimet cilësore dhe promocionet. Në betejën për klientë u përfshi dhe Allbena në bregdetin tonë verior me paketa të leverdishme promocionale all inclusive.

Vendpushimi Allbena do të tërheqë turistë me paketa promocionale. Çdo turist, i cili rezervon dhomë deri në fund të prillit, do të marrë promocion prej 25 për qind të çmimit të paketës.

Miqtë e parë të vendpushimit tashmë shëtitin në rripin e rërës të Allbenës. Drejtoria e kompleksit është në pritje të fluksit të parë të turistëve gjatë muajit maj. Po priten dhjetëra mijë bullgarë, bashkë me turistë nga Rumania, Gjermania, Franca, Britania e Madhe, Rusia etj. Kompleksi disponon 40 hotele të kategorive të ndryshme, fusha sportive, spa qendra, shumë lokale, klube nate etj, por më e rëndësishmja është se Allbena arriti të ruajë gjelbërinë e saj. Më se gjysma e territorit të saj është mbuluar me gjelbërim, kurse sigurimi i turistëve është garantuar nga roja speciale e vendpushimit. Pritjet për këtë stinë janë 5 – 8 për qind rritje të numrit të turistëve në krahasim me vitin 2009. Për këtë qëllim Allbena shpreson tek çmimet promocionale, të lidhura me regjistrimet e hershme. Çdo turist bullgar, ose i huaj, i cili rezervon dhomë deri në fund të prillit, do të marrë promocion prej 25 për qind të çmimit të paketës. E reja këtë vit është se çdo dhomë në hotel do të ketë një çadër, si dhe dy karrige falas në plazh, kurse fëmijët në moshën deri në 12 vjeç do të mund të pushojnë falas. Përveç kësaj çmimet në restorantet dhe klubet e natës do të ulen deri në 30 për qind. “Në këtë mënyrë miqtë do të kenë stimul t’i vizitojnë lokalet dhe të harxhojnë para jashtë paketave all inclusive” – thotë Hristo Penev, një prej zëvendësdrejtorëve të Allbenës.

Çfarë janë pritjet për stinën e ardhshme?

“Presim që stina 2010 të jetë pak më e mirë nga ajo e vitit të kaluar. Që të tërheqë më shumë turistë Allbena startoi me çmime shumë të ulëta për rezervimet e hershme. Bën përshtypje se rezervimet e turistëve gjermanë janë rritur në krahasim me vitin 2009, gjë që na jep arsye për optimizëm. Shpresoj shumë tek turistët rumunë, të cilët e pëlqejnë shumë vendpushimin. Bashkë me ta këtë verë këtu do të pushojnë dhe shumë skandinavë, francezë, belgjianë etj.”

Në territorin e vendpushimit Allbena ndodhet rezervati natyror Balltata

Si vendpushimet e tjera Allbena shpreson shumë tek turistët bullgarë, që të plotësojë bazën e saj. Gjatë vitit 2009 në kompleks kanë pushuar 60 mijë bullgarë. Në krahasim me pranverën e kaluar kemi 30 për qind rritje të regjistrimeve, prandaj në mes të stinës çdo javë do të sigurojmë transport të posaçëm nga Sofja deri në vendpushim për turistët, të cilët kanë bërë rezervime nëpërmjet nesh.” – thotë Oleg Maxharov – shef i firmës turistike “Butik Trevël”.

Kompleksi disponon 40 hotele të kategorive të ndryshme

Kështu, me marketing të mirë dhe çmime të ulëta vendpushimet bullgare po përgatiten për sfidat e stinës së re turistike.

Përgatiti në shqip: Vesella Mançeva

По публикацията работи: Veneta Nikollova

Последвайте ни и в Google News Showcase, за да научите най-важното от деня!

Ndaje

Vendpushimi Allbena do të tërheqë turistë me paketa promocionale

Më shumë nga rubrika

Freski, ecje në natyrë dhe pamje mbresëlënëse – shpëtoni nga vapa në Svoge

Thesare të arta dhe përjetime interaktive në muzeun e Pazarxhikut

Mysafirë nga vendi dhe jashtë vijnë në Rodope për "Ditët e Ardinos"

Freski, ecje në natyrë dhe pamje mbresëlënëse – shpëtoni nga vapa në Svoge