Shëtitje pranverore nëpër parqet e Sofjes

botuar më 10-04-30 3.38.MD

Foto: Veneta Nikollova

Një nga ndjesitë më të bukura pranverore është kur herët në mëngjes, duke shkuar në punë ose në shkollë, njeriu mund të kalojë nëpër një nga parqet e Sofjes. Në këtë orë këngët e zogjve dhe pëshpëritja e gjetheve të drurëve nuk mund të mos zgjojnë buzëqeshjet e njerëzve. Mëngjeset e fundjavës në parqet e kryeqytetit kanë një mahnitje më të ndryshme. Pak njerëzit që janë zgjuar herët në mëngjes ulen në stola për të lexuar gazetën, të tjerë shkojnë për shëtitje me qentë shtëpiakë.

Historia e vendeve të gjelbra në Sofje filloi që në vitin 1872, kur u ndërtua parku i parë. Ky është Parku i qytetit që ndodhet para Teatrit Kombëtar. Shtatë vjet pas kësaj Sofja u shpall kryeqytet. Për më se një shekull Parku i qytetit ka pësuar shumë ndryshime, por edhe sot është vendi i preferuar i shumë kryeqytetasve që banojnë në qendër. Gjatë verës pikat e shatërvanit freskojnë fëmijët që vrapojnë përreth, kurse disa nga stolat prej disa vitesh ruhen posaçërisht për adhuruesit e shahut. Shahistët që luajnë zakonisht janë rrethuar nga shumë shikues, të cilët diskutojnë çdo një hap të tyre.

Parku më i madh në kryeqytet është Parku i Borisit. Ai gjithashtu ka pësuar shumë metamorfoza, disa herë i është ndërruar emri. E projektoi zvicerani Daniel Nef në fund të shekullit XIX. Menjëherë u mbollën shumë drurë, lule dhe pastaj në vend të moçalit u duk Liqeni i zambakëve të ujit. Territori i Parkut të Borisit u zgjerua në vazhdim të viteve, sot në të ndodhen dy stadiume të mëdha. Atje është dhe Liqeni “Ariana”, në të cilin në të kaluarën kishte mjellma, lundronin barka. Sot “Ariana” është një kompleks me restorante dhe kafene rreth liqenit.

Një vend tjetër i preferuar i kryeqytetasve është Parku i doktorëve. Afërsia e tij me Universitetin e Sofjes dhe Bibliotekën Kombëtare e bën një vend i këndshëm për pushim për shumë të rinj. Shpesh atje mund të shihen studentë, të cilët diskutojnë diçka ose thjesht janë ulur për të ngrënë një sandviç midis dy leksioneve.

Gjatë viteve 70 dhe 80 të shekullit të XX u projektua dhe u ndërtua Parku jugor. Në të ka shumë sheshe për fëmijë, shpesh mund të shihen shfaqje dhe shumë konkurse për fëmijë. Shëtitoret e gjera tërheqin shumë çiklistë.

Në shumicën e parqeve të kryeqytetit është mbjellë një bimësi e pasur dhe e larmishme. Sipas zonjës Irina Meteeva nga Shoqata bullgare për mbrojtje të zogjve, në parqet e Sofjes ka një larmi të madhe zogjsh. “Zogjtë në parqet e Sofjes janë adaptuar me praninë e njeriut – thotë Irina Mateeva. – Deri sa ka parqe dhe drurë, do të ketë dhe zogj. Më e rëndësishmja është që t’i mbajmë parqet të gjelbra dhe zogjtë do të jenë atje.”

Vendet e gjelbra në Sofje do të vazhdojnë të shtohen. Tashmë ka një projekt, i cili parashikon që deri në vitin 2020 të ndërtohen shtatë parqe të reja në territorin e qytetit dhe rreth tij. Së shpejti kryeqytetasit do të kenë mundësi të shëtitin në parkun e Akademisë Ushtarake. Ai do të hapet për vizituesit herët në mëngjes dhe në mbrëmje do të mbyllet. Kjo do të ndihmojë që të ruhet më mirë larmia e bimësisë në të.

Përgatiti në shqip: Ekaterina Tarpomanova

По публикацията работи: Lina Ivaniva

Последвайте ни и в Google News Showcase, за да научите най-важното от деня!

Ndaje

Shëtitje pranverore nëpër parqet e Sofjes

Më shumë nga rubrika

Bullgaria është e para në BE që realizoi inteligjencën artificiale të nivelit të lartë në gjuhën e saj

Ekipi i ri i Ursula von der Leyen: a do të arrihet një "marrëveshje paketë" për të miratuar të gjithë komisionerët e BE-së

Rajonet ku jetojnë bullgarë në Shqipëri është e nevojshme të kenë autonomi administrative

Chat-i bullgar me inteligjencën artificiale BgGPT mund të shfrytëzohet falas nga të gjithë

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj