Vendosja e bashkëpunimit midis Bullgarisë dhe Kosovës në fushën e kulturës

botuar më 10-07-07 10.07.PD

Gjatë kohës së vizitës së tij në Sofje ministri i kulturës, rinisë dhe sportit i Republikës së Kosovës Lufti Haziri u takua me ministrin bullgar të kulturës Vezhdi Rashidov (djathtas).

Foto: BTA

AUDIO

Update Required To play the media you will need to either update your browser to a recent version or update your Flash plugin.

Nga data 4 deri më 6 korrik për një vizitë pune në Bullgari ishte ministri i kulturës, rinisë dhe sportit i Republikës së Kosovës Lufti Haziri. Gjatë ditës së parë të vizitës të tij në Sofje ai u takua me ministrin e kulturës Vezhdi Rashidov.

Theksi i diskutimeve midis të dy ministrave ishte bashkëpunimi për zhvillimin e lidhjeve kulturore, ruajtja e trashëgimisë historike, përkrahja e krijimtarisë artistike, bashkëpunimi midis institucioneve. Ministër Rashidov vuri në dukje se pritet nënshkrimi i një marrëveshjeje bashkëpunimi në fushën e kulturës. “Më rëndësi të madhe është se kemi bërë hapin e parë. Të gjithë ne e dimi se jo vetëm në Bullgari, por edhe në terë Gadishullin e Ballkanit ka një trashëgimi të madhe historike e kulturore dhe kjo është shumë të rëndësishme për turizmin kulturor. Mendoj se mund ta ndihmojmë njeri-tjetrin si në fushën e turizmit kulturor, ashtu edhe në sferën e ruajtjes së trashëgimisë kulturore e historike, se vendet tona ndodhen në një territori shumë të pasur.” - theksoi ministri bullgar i kulturës.

Nga ana e tij ministri Lutfi Haziri deklaroi se në Kosovë theksi vihet mbi bashkëpunimin kulturor në regjion dhe në këtë proces Bullgaria zë një vend të rëndësishëm. Më shumë hollësi për zhvillimin e bashkëpunimit kulturor dhe për ruajtjen e trashëgimisë historike tregon vet ministri para mikrofonit të Radio Bullgarisë. Po të doni ta dëgjoni opinionin e ministrit Lutfi Haziri klikoni AUDIO.

Në kuadrin e vizitës ministri i kulturës, rinisë dhe sportit i Kosovës zhvilloi takime me ministrin e edukimit fizik dhe sportit Svilen Nejkov, me ministrin pa portofol Bozhidar Dimitrov, si edhe me kryetaren e komisionit parlamentar për kulturë, shoqërinë civile dhe mediat Daniela Petrova.

Përgatiti në shqip: Maria Peeva

По публикацията работи: Maria Peeva

Последвайте ни и в Google News Showcase, за да научите най-важното от деня!

Ndaje

Vendosja e bashkëpunimit midis Bullgarisë dhe Kosovës në fushën e kulturës

Më shumë nga rubrika

150 vjet nga lindja e Ark. Dabko Dabkov, i cili la një gjurmë të ndritshme në pamjen e qytetit bregdetar Varna

Kisha Ortodokse Bullgare dhe Radioja Kombëtare Bullgare bashkojnë forcat në mbështetjen shpirtërore të bashkatdhetarëve jashtë vendit

Zgjedhja bullgare për fjalën e vitit 2024 është Shengen

Radioja Kombëtare Bullgare feston përvjetorin e saj të 90-të me aktivitete të ndryshme

Radioja Kombëtare Bullgare mbush 90 vjet – një histori krenarie dhe pa paragjykime!