Fjetja e Shën Joan Rilski – Çudibërësi

botuar më 10-08-18 10.50.PD

Më 18 gusht Kisha Ortodokse Bullgare nderon Fjetjen e Shën Joan Rilski – Çudibërësi. Ai është tutori dhe mbrojtësi i shenjt i Bullgarisë, i cili në shekullin e X themeloi Manastirin e Rilës, që është manastiri më i madh bullgar. Një prej detyrave kryesore të shenjtorit ishte të predikojë besimin e krishterë ndër popullin bullgar, i cili ishte pagëzuar në shekullin e IX. Shën Joan Rilski ishte edhe themelues i murgërisë së organizuar në trojet bullgare .Shpejt pas vdekjes së tij ai ishte kanonizuar si shenjtor dhe atëherë ishin krijuar shërbesat e para t`i kushtuara jetës së tij. Priftërinjtë kanë krijuar dhe një tropar të posaçëm, i cili këndohet në tre festat e mëdha të përvitshme, t`i kushtuara shenjtorit.

Në jetëshkrimin e Shën Joan Rilskit, shkruar në shekullin e XIV nga Patriku bullgar Evtimij, lexojmë, se murgu eremit ka lindur në vitin 876 në fshatin e vogël Skrino, që gjendet në krahinën e Sredecit, ky qytet Sredec (emri i vjetër i Sofjes), i cili është një prej qyteteve më të njohura në kufijtë e Evropës. Pas vdekjes së prindërve të tij, pronën e të atit Joani ia fali njerëzve të varfër dhe kërkoi vetmi në manastiret e afërta – në malin e Vitoshës dhe pastaj edhe në malin e Rilës. Si murg mësoi Shkrimin e Shenjt dhe pastaj iku nga manastiret dhe jetoi si eremit në kushtet e rënda të malit- duke bërë kreshma të përhershme dhe duke iu lutur Zotit ditë e natë. Barinjtë dhe gjahtarët përhapën famën e tij dhe tek ai vinin njerëz nga larg qe ti bekoj, ti mësojë dhe ti mjekojë. Shën Joani i këshilloi ithtarët e tij të shumtë të ndërtojnë një manastir, të cilit ai iu bë igumen në vazhdim të 10 vjetëve.. Kur ndjeu se po afrohet fundi i jetës së tij Shën Joani iku nga manastiri dhe vdiq jo larg tij në moshë 70 vjeç më 18 gusht të vitit 946. Në vitet 60 të shekullit të X ishin gjetur lipsanët e tij të paprekura nga koha, të cilët edhe sot e kësaj dite ruhen në Manastirin e Rilës, ku besimtarët bëjnë homazhe.

Kujtimi i Shën Joan Rilskit nderohet në tërë botën orthodhokse dhe të gjithë janë të një mendimi se ky është Engjëlli i Kishës bullgare. Besimtarët nga kishat ortodokse fqinje - kisha serbe dhe ajo greke, vijnë në Manastirin e Rilës për t’i bërë homazhe shenjtorit bullgar. Kujtimi i tij nderohet solemnisht edhe në Rumani, Ukrainë dhe Rusi, ndërsa kohët e fundit ikona e Shën Joan Rilskit vizatohet krahas shenjtorëve ekumenikë në disa prej ikonostaseve të kishave të reja greke, ruse ose bullgare në SHBA dhe Australi. Përpara disa vjetëve Sinodi i Shenjt i Kishës Orthodhokse Bullgare një pjesë të vogël prej lipsanit të Shenjtorit të Rilës ia dhuroi Manastirit rus të vajzave i cili mban emrin e tij. Atje çdo ditë murgeshat shërbejnë Akatist – lutje të posaçme ti kushtuara Shën Joan Rilskit - Çudibërësi. Një pjesë tjetër prej lipsanëve të tij - dora ruhet në një ishull grek dhe është burim i shërimeve të shumta.

Shën Joan Rilski i la ithtarëve të tij një Amanet me shkrim, i ruajtur dhe i trashëguar nga murgjit e Manastirit të Rilës. Sipas Çudibërësit të Rilës më e rëndësishme është qe njeriu të besoj dhe të respektojë Urdhrat e Zotit dhe të jetojë sipas Ligjit të Zotit. Shenjtori shkruan se lakmia dhe grumbullimi i pasurisë nuk është më e mirë për njeriun- përkundrazi – kjo e largon nga jeta shpirtërore. Në këtë kuptim Amaneti i tij vlen dhe për të gjithë bullgarët e sotëm që dëshirojnë të jetojnë në atmosferë shpirtërore. Prandaj dhe Manastiri i Rilës i themeluar nga Shën Joani mbetet edhe sot e kësaj dite mbështetje për bullgarin. Gjatë ekzistencës së tij 10 shekullore Manastiri nuk e ka ndërprerë për asnjë çast veprimtarinë e tij dhe shërbesat në të gjithmonë janë zhvilluar në gjuhën sllavo-kishtare, ndërsa predikimet në gjuhën e gjallë bullgare.

Përgatiti në shqip: Gjullka Ilieva

Последвайте ни и в Google News Showcase, за да научите най-важното от деня!

Ndaje

Fjetja e Shën Joan Rilski – Çudibërësi

Më shumë nga rubrika

Blloku i shënimeve të Levskit është një univers - aty zbulohen fytyrat e shumta të Apostullit

Gjetje antike, zbulime të reja – viti arkeologjik 2024 në Muzeun Historik Kombëtar

Tempulli i Shën Harallambit në Shablla mban të gjallë besimin e brezave

Mister i lashtë: arkeologët zbulojnë një fytyrë të gdhendur në Heraclea Sintica