Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Mister i lashtë: arkeologët zbulojnë një fytyrë të gdhendur në Heraclea Sintica

Foto: Facebook/Archaeologia Bulgarica

Gjatë gërmimeve të shpëtimit në nekropolin perëndimor të qytetit të lashtë të Heraclea Sintica pranë fshatit Rupite, arkeologët hasën në një zbulim unik: një fytyrë të gdhendur në mermer me mjeshtëri të jashtëzakonshme mbi një gur varri. Zbulimi ndodhi në një varr që ndoshta është plaçkitur në shekullin I-II, periudha në të cilën daton edhe vepra.


Kreu i ekipit - Prof. Dr. Ljudmill Vagalinski nga Instituti Kombëtar Arkeologjik në Akademinë Bullgare të Shkencave - specifikon se fytyra është pjesë e gurit të varrit që portretizon të ndjerin. Zbulimi ndodhet në një thellësi prej 4 metrash nën nivel dhe një studim dhe analizë e plotë e kontekstit të saj ende nuk është kryer. Ekipi i Prof. Vagalinskit la të kuptohej se së shpejti do të ketë më shumë lajme, raporton grupi i Facebook-ut "Archaeologia Bulgarica".

Fytyra prej mermeri është vetëm një nga disa zbulime të rëndësishme në nekropol në javët e fundit. Në fund të qershorit, arkeologët hasën dy figura terrakote të perëndeshave, stoli ari dhe një varr të dyfishtë nga epoka romake, dhe midis gjetjeve më të fundit është një unazë argjendi me një gur të çmuar (gdhendje, gravurë) me një imazh të gdhendur të një qeni gjuetie që vrapon.

Gërmimet e shpëtimit po kryhen për shkak të ndërtimit të një tubacioni të ri gazi.

Lexoni më tepër:


Përpiloi: Veneta Nikollova
Përgatiti në shqip dhe publikoi: Kostandina Bello
Foto: Facebook/Archaeologia Bulgarica


Последвайте ни и в Google News Showcase, за да научите най-важното от деня!

Më shumë nga rubrika

Në Rajonin “Podujane” diskutohet se si rrënojat e një vile romake të shndërrohen në pjesë të gjallë të kryeqytetit

Studentë nga Universiteti i Arkitekturës, Ndërtimit dhe Gjeodezisë do të prezantojnë në Sofje idetë e tyre se si e kaluara mund të përfshihet në ambientin bashkëkohor urban, njofton Radio Sofja e BNR-së. Ata përgatitën koncepte për mbetjet e vilës..

botuar më 25-10-22 5.05.PD

Varri i një gruaje të re nga shekulli i II-të u zbulua pranë fshatit Kapitan Petko Vojvoda

Një varr i paprekur i një gruaje të re nga fillimi i shekullit të II-të u zbulua nga arkeologët pranë fshatit Kapitan Petko Vojvoda (Bulgaria Jugore), njoftoi Bashkia e Topollovgradit. Ekipi që bëri zbulimin drejtohet nga Daniella Agre dhe Dejan Diçev...

botuar më 25-10-16 4.22.MD
Prof. Nikollaj Ovçarov në Perperikon

Nikollaj Ovçarov prezanton një tempull gjigant të rrumbullakët – zbulimi më i fundit i Perperikonit

Zbulimi më i fundit arkeologjik në kompleksin e hershëm historik prej guri të Perperikonit në Rodopet Lindore do të prezantohet sot, 10 tetor, tha arkeologu Nikollaj Ovçarov për BTA. Kreu i gërmimeve tha se është një tempull gjigant i..

botuar më 25-10-10 5.50.PD