Politika për pakësimin e varfërisë në Bullgari

botuar më 10-10-19 11.54.PD

Qëllimi kombëtar është që pas 9 vjetëve njerëzit e varfër në Bullgari të jenë me 260 mijë veta më pak.

Foto: BGNES

Viti evropian për luftë kundër varfërisë dhe përjashtimit social, siç është viti 2010, është mundësi që të flitet dhe të kërkohet zgjidhje e problemeve të grupeve më të rrezikuara në shoqëri. Mbi 80 milionë ose 16% nga qytetarët evropianë jetojnë nën vijën e varfërisë, tregojnë të dhënat e Evrostatit. Mjaft shqetësues është numri i tyre dhe në Bullgari. Mes përgjithësisht 7 milionë e gjysmë qytetarë bullgarë, nën pragun e varfërisë jetojnë mbi 21%, me fjalë të tjera 1 milionë e 63 mijë bullgarë dhe kështu renditemi në vendin e fundit në klasifikimin evropian.

Për vijë të varfërisë në Bullgari pranohet shume prej 211 leva ose rreth 105 euro në muaj. Në kategorinë më të prekshëm bien të papunët, të cilët marrin ndihma sociale, një pjesë nga pensionistët, prindërit e mbetur vet, familjet me shumë fëmijë, njerëzit me të meta. Pasojat nga kriza botërore ekonomike po e thellojnë dukurinë, për kufizimin e së cilës qeveria kërkon vendime adekuate. Përmasat e varfërisë janë të ndryshme, shënon ministri social Totju Mlladenov. Ajo është e lidhur me të ardhura jo të mjaftueshme, mjete të pamjaftueshme për ushqim, rrobe, banesë e kështu me radhë. Por varfëria mund të lidhet dhe me një prani të pamjaftueshme deri te shëndetësia, arsimi, kultura. Në kuadrin e strategjisë për zhvillim të Bashkimit Evropian deri në vitin 2020, çdo shtet ka shënuar qëllimet e veta dhe politikat e veta për pakësimin e varfërisë. Qëllimi i përgjithshëm evropian është që numri i evropianëve të varfër të pakësohet me 20 milionë veta deri në vitin 2020.

Mes politikave, të cilat Bullgaria i ndjek për kufizimin e këtij fenomeni social është sigurimi i zënies dhe të kualifikimit. Qëllimi kombëtar është që pas 9 vjetëve njerëzit e varfër në Bullgari të jenë me 260 mijë veta më pak. Zëvendësministri i punës dhe i politikës sociale Krasimir Popov ve në dukje:
“Që të arrijmë këtë qëllim do të mbështetemi si tek financimi kombëtar, i ndarë në një Plan kombëtar për veprim mbi zënien, ashtu dhe te mjetet nga Programi operativ “Zhvillim i resurseve njerëzore” të Komisionit Evropian. Këto dy instrumente mund t’iu japin ndihmën e domosdoshme njerëzve sa i përket përmirësimit të mjeshtërive të tyre për zënie, inkurajimin të jenë më mobil e kështu me radhë. Por në fund të fundit zënia e vërtetë vjen si rrjedhojë nga zhvillimi ekonomik i vendit tonë.”

Shtimi i mundshëm i rrogës minimale të punës që nga viti i ardhshëm në 270 leva (135 euro) në vend të të tanishmëve 240 leva (120 euro), është një hap konkret drejt uljes së varfërisë mes të zënëve me fjalë të tjera “të varfër punonjës”, mendon ministri social Totju Mlladenov. Një përkrahje për të papunët është dhe rritja e shumave për dëmshpërblim gjatë një papunësie. Ato tanimë janë 60% nga të ardhurat siguruese të personave, përpara se të dalin nga tregu i punës. Me ndryshimet në Ligjin për njerëzit me të meta, sigurohet një paket minimal prej shërbimeve sociale, të cilat përfshijnë shëndetësinë, arsimin e këtij grupi social. Ndryshimet në Ligjin për ndihmën sociale garantojnë të drejtat e njerëzve të cilët marrin ndihma sociale përmes rënies së afatit përfundimtar për marrjen e tyre. Nga ana tjetër këto ndihma, janë të lidhura me detyrimin të realizojnë një punë shoqërore 14 ditë në muaj, në qoftë se janë në një moshë të aftë për punë. Me hapjen e dhomave sociale të bukës në të gjithë vendin mbi 10 mijë veta do të marrin një drekë të ngrohtë. Kurse për ngrohje gjatë dimrit ndihma energjetike do të marrin 250 mijë bullgarë në prag të varfërisë.

Llallko Dulevski, kryetar i Këshillit ekonomik dhe social ve në dukje mungesën e arsimit dhe të kualifikimit si fenomen, i cili lind varfërinë, të cilit duhet t’i kushtohet një vëmendje e veçantë.
“Problemi baze është mungesa e arsimit ose analfabeti, rënia e herët nga shkolla e fëmijëve bullgar. Ky proces duhet të ndalohet. Sepse që këtu e tutje nuk mund të presim që punëdhënësit të marrin në punë njerëz pa arsim dhe pa kualifikim.”

Përgatiti në shqip: Nataniela Vasileva

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Politika për pakësimin e varfërisë në Bullgari

Më shumë nga rubrika

Dita e Antarktidës shënohet në Universitetin e Sofjes “Shën Kliment Ohridski”

Gjimnazistë bullgarë në një betejë me dezinformimin

Magji festive me këngë, valle dhe takime me Plakun e Krishtlindjeve në Qytezën e Festave të Fundvitit në Pleven

Dita e Antarktidës shënohet në Universitetin e Sofjes “Shën Kliment Ohridski”