Bullgaria është për barazimin e pagimeve të drejtpërdrejta për njësi sipërfaqeje në kuadrin e Politikës së përbashkët bujqësore nga viti 2014

botuar më 10-11-24 2.06.MD

Zëvendësministrja e bujqësisë dhe ushqimeve Svetllana Bojanova

Foto: BGNES

Javën e kaluar komisioneri i bujqësisë Daçian Çiolosh ofroi për diskukutim 3 variante për reforma të Politikës së përbashkët bujqësore të BE-së deri në vitin 2020. Qëllimi i reformës është që bujqësia të bëhet një sektor më dinamik dhe më konkurrues. Një nga idetë të cilët që diskutohen është që të ruhen dy shtyllat e deritanishme – pagime të drejtpërdrejta për njësi sipërfaqeje dhe për zhvillimin e rajoneve fshatare. Bullgaria do të insistojë për barazime të shumave të pagimeve midis shteteve të vjetra dhe shteteve të reja anëtare të BE-së.

“Mospajtimet do të jenë më shumë në lidhje me pagimet e drejtpërdrejta për njësi sipërfaqeje – shpjegoi zëvendësministrja e bujqësisë dhe ushqimeve Svetllana Bojanova. – Duke folur për politikën për zhvillimin e rajoneve fshatare mendoj se nuk do të ketë shumë ndryshime. Për ne është e rëndësishme që të barazohen sa është e mundshme më shpejtë shumat e pagimeve të drejtpërdrejta që jepen për shtetet e reja dhe shtetet e vjetra anëtare të BE-së. Këto shuma duhet barazuar gradualisht deri në vitin 2016, kur fermerët bullgarë do të fillojnë të marrin subvencionime të barabarta me fermerët nga shtetet e tjerra evropiane. Po fillon një seri iniciativash nga ana e Ministrisë së Bujqësisë dhe Ushqimeve dhe e sektorit joqeveritar, në kuadrin e të cilave do të flasim vazhdimisht me njerëzit për këtë çfarë është mendimi i tyre për Politikën e përbashkët bujqësore pas vitit 2013. Deri tani mendoj se gjithçka që e kemi shpallur para shoqërisë, prodhuesve dhe bashkive, u përgjigj pritjeve të tyre. Varianti i tretë për reforma të Politikës së përbashkët bujqësore nuk është shumë i përshtatshëm. Ne e përkrahim idenë që të ruhen dy shtyllat e deritanishme të Politikës së përbashkët bujqësore. Mirëpo mendoj se diskutimi i ardhshëm do t’i ndryshojë shumë gjërat. Deri në mesin e vitit 2011 duhet të përpunohet legjislacioni evropian për ndryshimet.”

Duke folur për kërkesën e KE-së për më shumë ekologji në bujqësi, Bullgaria po diskuton mundësitë që ajo të përfshihet në shtyllën e parë të Politikës së përbashkët bujqësore, e cila u përket pagimeve të drejtpërdrejta për njësi sipërfaqeje, sepse kështu bujqit do të mund më lehtësisht t’i përvetësojnë subvencionet.

“Jemi kategorikë se buxheti i BE-së për Politikën e përbashkët bujqësore nuk duhet të pakësohet. Edhe shtete të tjera na përkrahin, posaçërisht shtetet e vjetra anëtare të BE-së.” Sipas Svetllana Bojanovës nuk ka rrezik që Bullgaria të marrë më pak mjete financiare në kuadrin e Politikës së përbashkët bujqësore pas vitit 2013 për shkak të mjeteve jo të përvetësuara gjatë periudhës 2007 – 2013. Çfarë do të jetë financimi për periudhën e re të programit – kjo është çështja e negociatave” – tha ministrja Bojanova. Mjetet financiare jo të përvetësuara për vitin 2010 janë rreth 21 miliona euro. Do t’i transferojmë nga një masë drejt masës tjetër të Programit bujqësor.

“Kjo është nën 1% prej buxhetit të programit të deritanishëm – shpjegoi Svetllana Bojanova. – Kjo është përqindja e lejueshme sipas reglamentit të Bashkimit Evropian. Për transferime më të mëdha duhet ta presim vlerësimin e një firme të zgjedhur nga Komisioni Evropian. Resurset jo të përdorura në kuadrin e një mase të Politikës së përbashkët bujqësore mund të transferohen në ndonjë masë tjetër, ku interesi është më i madh.”

Përgatiti në shqip: Jordanka Ivanova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Bullgaria është për barazimin e pagimeve të drejtpërdrejta për njësi sipërfaqeje në kuadrin e Politikës së përbashkët bujqësore nga viti 2014

Më shumë nga rubrika

Georgi dhe Maria janë emrat më të zakonshëm në Bullgari në vitin 2024

91 medalje në shkencat natyrore fituan nxënësit në vitin 2024

Çmimet e reja për dokumentet bullgare hyjnë në fuqi nga 1 janari