Shkollat bullgare po përfshihen në projektin “Dhoma të lidhura shkolle”

botuar më 11-01-14 12.42.MD

Ministri i arsimit Sergej Ignatov dhe drejtori i Këshillit Britanik në Bullgari Toni Bëkbi nënshkruan një marrëveshje bashkëpunimi në kuadër të projektit “Klasa të lidhura shkolle”

Foto: BTA

Nxënësit bullgarë bashkë me moshatarë të tyre nga jashtë do të mësojnë së bashku, që të bëhen “shtetas të botës”. Kjo do të bëhet në kuadrin e projektit ndërkombëtar “Klasa të lidhura shkolle”.

Starti i tij u vu zyrtarisht më 13 janar, kur ministri i arsimit Sergej Ignatov dhe drejtori i Këshillit Britanik në Bullgari Toni Bëkbi nënshkruan një marrëveshje për bashkëpunim. Projekti përfshin 20 shtete evropiane dhe gjithsej mbi 60 shtete në mbarë botën. Qëllimi i tij është që të krijojë mundësi për arsim ndërkulturor. Gjatë vitit 2011 në projektin “Dhoma të lidhura shkolle” do të përfshihen 10 shkolla nga bashkitë e Dimitrovgradit dhe Vidinit. Gjatë dy viteve të ardhshme do të përfshihen akoma 20 shkolla nga rajonet e tjera të vendit. Nxënësit bullgarë do të jenë partnerë me moshatarë të tyre nga Britania e Madhe, Rusia, Izraeli dhe Italia. Ata do të komunikojnë njëri me tjetrin dhe do të shkëmbejnë informacion dhe programe arsimore nëpërmjet platformës Live@Edu, që është siguruar falas nga Microsoft dhe mund të përdoret në çdo një prej gjuhëve vendase.

“Lidhja e dhomave të shkollës do të çojë deri në disa efekte pozitive – tha ministri Ignatov. – Së pari do të zvogëlohet dallimi midis qendrave tradicionalisht të fuqishme të arsimit dhe atyre, të cilat janë më prapa. Kjo do të çojë gjithashtu deri në barazimin e standardeve, do t’u japë përgjigje shumë pyetjeve rreth rolit të ri të mësuesit dhe nxënësit në kohën tonë. Do të krijohen mundësi për zbulimin e talenteve të të rinjve në qytetet më të vogla dhe fshatrat bullgare. Më e rëndësishmja është se projekti “Dhoma të lidhura shkolle” do t’i vërë fund provincializmit dhe ky mosbesim ndaj të tjerëve, i cili nganjëherë shndërrohet madje në urrejtje, do të zhduket. Në fakt do të kemi një shkëmbim të frytshëm përvoje në arsim, sepse në çdo një vend ka diçka pozitive.”

“Në vitin e jubileut të 20-të të Këshillit Britanik në Bullgari ky projekt është akoma një shembull i qartë i vendosjes së një partneriteti të qëndrueshëm”, deklaroi Toni Bëkbi dhe shtoi: “Kjo është një marrëveshje, e cila tregon se sa të rëndësishme janë për ne lidhjet kulturore. Për mendimin tim kjo marrëveshje pasqyron gjithashtu dëshirën tonë të ndërsjellë për t’u dhënë të rinjve horizonte të reja bashkëpunimi në një kontekst ndërkombëtar, një përgatitje më të mirë për të jetuar në një shoqëri globale dhe në kushtet e ekonomisë globale.”

Ndër veprimtaritë e parashikuara në kuadrin e projektit janë ndihma ndaj vendosjes së partneriteteve, ndaj zhvillimit profesional të mësuesve, arsimimit të liderëve të rinj, inkurajimit të përdorimit të teknologjive bashkëkohore, përfshirjes së nxënësve nga shtresat e dobëta sociale dhe nga grupet e minoriteteve. Më shumë hollësi për qëllimet e projektit “Dhoma të lidhura shkolle” na solli Krasimira Tançeva nga Këshilli Britanik, koordinatore e projektit:

“Qëllimi i këtij projekti është që të shtojë diçka më të ndryshme në procesin mësimor në kuadrin e Evropës, për shembull tema, të cilat i motivojnë dhe i frymëzojnë të rinjtë, i bëjnë më aktivë. Format interaktive janë diçka të frytshme për formimin e qytetarëve të rinj të Evropës. Ato do t’i përgatitin më mirë, do t’u japin mundësi për të punuar në ekip sipas kërkesave evropiane, sepse sot nuk mjafton vetëm të punosh në një ekip, duhet të mund të komunikosh me kultura të ndryshme. Kjo, që ata do të mësojnë, është se nuk duhet të ketë stereotipa për kulturat e ndryshme, por se ato duhet të njihen.”

Përgatiti në shqip: Vesella Mançeva

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Shkollat bullgare po përfshihen në projektin “Dhoma të lidhura shkolle”

Më shumë nga rubrika

Pse disa nga rrugët e Pragës mbajnë emrat e iluministëve bullgarë?

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?

Elegjia për Krahinat Perëndimore tingëllon si një requiem

Dina Xhevali nga Siria: Kam jetuar një jetë pa rrugëdalje, ndërsa në Bullgari asgjë nuk është e vështirë për mua

"Ushqimi apo ngrohja?" – këtë pyetje nuk do të bëjnë familjet në Evropën Lindore këtë dimër, në dallim të atyre në Evropën Perëndimore

Shkencëtarët studiojnë gjenomin e Bullgarisë