Marrëdhëniet midis Bullgarisë dhe Austrisë sot dhe në perspektivë

botuar më 11-02-03 1.08.MD

Ndër theksat e takimit të kancelarit Werner Faymann me kryeministrin Bojko Borisov ishte mbështetja e Austrisë për anëtarësimin e Bullgarisë në Shengen.

Foto: BTA

Më 1 e 2 shkurt një vizitë pune në Bullgari bëri kancelari federal i Austrisë Werner Faymann. Vizita dha një arsye të mirë që të bëjmë një pasqyrë të marrëdhënieve dypalëshe dhe të përvijojmë perspektivat e tyre.

Sivjet mbushen 133 vjet nga vendosja e marrëdhënieve diplomatike midis Bullgarisë dhe Austrisë. Në këtë pjesë historike të kohës dy vendet kaluan një rrugë të vështirë, duke krijuar me përpjekje të përbashkëta mirëbesim të ndërsjellë, që të mund ditët e sotme kancelari austriak Werner Faymann dhe kryeministri bullgar Bojko Borisov të konstatojnë se ka një traditë të mirë në zhvillimin e marrëdhënieve ndërshtetërore. Në çdo një nivel dhe në çdo një fushë.

Në botën e sotme pragmatike natyrisht prioritet janë lidhjet ekonomike. Austria është ndër partnerët e rëndësishëm tregtarë dhe ekonomikë të Bullgarisë. Mjafton të përmendim se ajo është investitori numër një në Bullgari. Këtë nuk harroi ta përmendë dhe kancelari Faymann – nga viti 1991 e këtej investimet austriake në Bullgari janë mbi 6 miliardë euro, që është 15% të investimeve të huaja direkte në vendin tonë gjatë kësaj periudhe. Përfaqësi në Bullgari kanë 330 firma austriake – ndër to janë të gjitha kompanitë prijëse të vendit alpin. Ato punojnë më shumë në fushën e energjetikës, industrisë ushqimore, teknologjive të informacionit dhe komunikacioneve. I tërheqin kushtet e mira për biznes që ofron vendi ynë. Megjithë krizën ekzistojnë kushte të mira që partneriteti ekonomik midis Austrisë dhe Bullgarisë të zgjerohet, duke gjetur fusha të reja të papërpunuara. Njëra prej tyre është ndërtimi i gazsjellësit Nabucco për transferim të gazit natyror nga kufiri lindor i Turqisë deri në Austri nëpër territorin e Bullgarisë, Rumanisë dhe Hungarisë. Pas fillimit të projektit alternativ rus “Rryma jugore”, pritet një zhvillim i shpejtë i projektit Nabucco, i cili duhet të jetë gati gjatë vitit 2013. Edhe Bullgaria, edhe Austria janë ndër përkrahësit më të mëdhenj të projektit. Një projekt tjetër me interes të përbashkët është ndërtimi i autostradës “Struma”, nëpërmjet së cilës barrët nga porti i Selanikut do të arrijnë deri në lumin e Danubit. Austria është ndër vendet që e shfrytëzojnë aktivisht transportin ujor të Danubit dhe do të kishin dobi nga aksesi i shpejtë në portet e Mesdheut.

Në bisedimet në Sofje natyrisht u diskutua anëtarësimi i Bullgarisë në Shengen. Kryeministri Borisov pohoi përsëri gatishmërinë e vendit tonë të zbatojë kriteret teknike për anëtarësim deri në mars të këtij viti. Ai tha se Bullgaria është një kufi i sigurt i BE-së dhe mund të anëtarësohet që sot, megjithë presionin e rritur të emigrantëve për shkak të situatës jo stabile në Lindjen e Mesme dhe në Afrikën e Jugut. Kancelari i Austrisë ra dakord me Borisovin, por mbeti në pozitën se duhet të zbatohen të gjitha kriteret për anëtarësim, deri në pikën e fundit, dhe atëherë Bullgaria dhe Rumania të aderohen në Shengen. Kjo pikëpamje mund të jetë e padrejtë, duke marrë parasysh se jo të gjitha vendet anëtare të Shengenit u përgjigjen 100% kritereve, por në fund të fundit ato e marrin vendimin. Pas bisedimeve në Sofje kryeministri Borisov tha se shpreson te mbështetja e Austrisë për anëtarësimin e Bullgarisë në Shengen. A ka qenë bindës, do të tregojë e ardhmja.

Përgatiti në shqip: Ekaterina Tarpomanova

По публикацията работи: Dimitër Ushev

Последвайте ни и в Google News Showcase, за да научите най-важното от деня!

Ndaje

Marrëdhëniet midis Bullgarisë dhe Austrisë sot dhe në perspektivë

Më shumë nga rubrika

Banorët e fshatit Zmejovo shënojnë festën e verës së pelinit, recetën e së cilës e ruajnë me xhelozi

Adhurues të thurjes bashkohen në një komunitet për të ruajtur zanatin tradicional

Në nivel personal, 60% e bullgarëve janë të kënaqur me vitin 2024, optimistë për vitin 2025 janë 47%

“Krishtlindjet bullgare” mblodhi 2.9 milionë leva (pothuajse 1.5 milionë euro) për fëmijët në nevojë për trajtim

Për të pestin vit radhazi nxënësit e Gorës dhe Gollobordës shënojnë “Festat e fundvitit në mënyrë bullgare"