Vezët e ngjyrosura strucësh tashmë kërkohen për Pashkët

botuar më 11-02-09 12.44.MD

Vezët e ngjyrosura kërkohen shumë. Aktualisht çmimi i një veze struci është rreth 25 euro

Foto: BGNES

Duke afruar festat e Pashkëve fermat për strucë kanë gjithnjë e më shumë porosi. Bëhet e qartë se njerëzit, të cilët dëshirojnë të zbukurojnë tryezën e vet festive me vezë strucësh janë gjithnjë e më shumë. Sivjet porosi kanë bërë akoma gjatë Krishtlindjeve. Nëse në të kaluarën rritja e strucëve ishte diçka ekzotike, sot kjo është një punë e zakonshme. Vezët e strucit janë të shijshme dhe të mira për shëndetin. Për këtë arsye pavarësisht nga kriza fermat e strucëve jo vetëm realizojnë prodhimin e tyre por bile punojnë me fitim.

Shpendët, të cilët zakonisht jetojnë në shkretëtirat e Afrikës Jugore, ndihen mirë bile në klimën tonë më të ftohtë. Dhe rritja e tyre nuk është e vështirë. Strucët kanë nevojë për mjaft hapësirë për të vrapuar, për ushqim me foragjerë të cilësuar dhe rezultati gjithmonë është mirë. Për këtë arsye në shumë vende në Bullgari tashmë rriten këta shpendë dhe biznesi në të vërtetë është fitimprurës. Aktualisht çmimi i një veze struci është rreth 50 leva (25 euro). Me të mund të gatuhen 12 omëlete. Elmira Dimitrova, pronare e një ferme për strucë pohoi se për bullgarët rritja e strucëve tashmë nuk është diçka ekzotike. Shumë bullgarë gatuajnë me vezë strucësh ose përdorin mishin e shpendëve të mëdhenj në kuzhinën e tyre.

Biznesi me rritjen e strucëve është fitimprurës

Tani, me afrimin e Pashkëve porositë për vezë janë shumë. Shtohet interesi për zbukurimin e vezëve të strucëve. Më parë lëvozhga shpohet me trapanë për të zbrazur, pastaj sipërfaqja lëmohet dhe zbukurohet me bojëra të posaçme. Vezët e ngjyrosura blihen si dhuratë sepse janë shumë atraktive. Festat religjioze gjithashtu janë shkak që njerëzit të blejnë vezë të tilla. Mbi ta mund të vizatohen ikona të shenjtorëve të ndryshëm. “Kërkimi është aq i madh se tashmë punojmë me një ikonografist, i cili zbaton porositë e shumta” – shpjegoi Elmira Dimitrova dhe shtoi:

Vezët e ngjyrosura mund të jenë dhuratë e bukur.

“Ikona më e kërkuar është ajo e Hyjlindëses Mari me Foshnjën dhe të Hyjlindëses me Tri Duar. Njerëzit shpesh bëjnë porosi për vizatimin e ikonave të Shën Gjergjit, të Shën Dimitrit, të Shën Minas. Më shumë porosi natyrisht kemi për Pashkët. Diçka interesante që ofrojmë janë ashtuquajturat “Faltore shtëpiake”. Kur struci i vogël nxjerr nga veza marrim lëvozhgën dhe e vizatojmë. Pastaj vendosim në të një qiri. Njerëzit e pëlqejnë shumë këtë ide.” Në fermën e zonjës Dimitrova jetojnë 24 shpendë të mëdhenj. Gjysma prej tyre janë femra dhe japin nga një vezë për 2 javë. Pronarët e fermës janë kënaqur me prodhimin, por shqetësohen se nuk do të mund të zbatojnë të gjithë porositë që i kanë.

Përgatiti në shqip: Jordanka Ivanova

По публикацията работи: Veneta Nikollova

Последвайте ни и в Google News Showcase, за да научите най-важното от деня!

Ndaje

Vezët e ngjyrosura strucësh tashmë kërkohen për Pashkët

Më shumë nga rubrika

Elegjia për Krahinat Perëndimore tingëllon si një requiem

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj

Chat-i bullgar me inteligjencën artificiale BgGPT mund të shfrytëzohet falas nga të gjithë

Magji festive me këngë, valle dhe takime me Plakun e Krishtlindjeve në Qytezën e Festave të Fundvitit në Pleven

Bullgaria bëhet vendi i katërt evropian që zbaton inovacione për trajtimin e plagëve kronike

Gjimnazistë bullgarë në një betejë me dezinformimin