Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ekspozita “Arkeologjia bullgare 2010”

Artefakte nga periudha romake e Filipopolisit
Foto: Veneta Pavllova
Më 14 shkurt, kur shënohet Dita e arkeologëve bullgarë, në Sofje u hap ekspozita e katërt vjetore kombëtare. Megjithë krizën, gjatë vitit të kaluar ata studionin trashëgiminë e pasur të trevave bullgare. Me ndihmën e shtetit dhe të bashkive ishin studiuar rreth 250 objekte – që nga Paleoliti deri në Rilindje. 50 zbulime janë ekspozuar në Institutin Kombëtar të Arkeologjisë me muze pranë Akademisë Bullgare të Shkencave. Drejtori i tij doc. dr. Ljudmil Vagalinski shënoi se çdo vit Instituti bën një statistikë. Ajo tregon vendin, kohën e studimeve dhe financimin e tyre, jep informacion se nga cilat institucione janë pjesëmarrësit dhe se cilat janë studimet ndërdisiplinare etj. Dihet se shpeshherë specialistët e shkencave të tjera: metalurgë, kimistë, biologë, i ndihmojnë arkeologët.
Zbulime nga shpella Kozarnika

“Ka një tendencë të qëndrueshme sipas kësaj statistike: rritet pjesa e gërmimeve për mbrojtjen e objekteve arkeologjike në vendet, ku zbatohen projektet e mëdha infrastrukturore – thotë arkeologu. – Nga ana tjetër pjesa e studimeve të planifikuara gradualisht ulet. Një tendencë tjetër e qëndrueshme është se Bullgaria Jugore tërheq vëmendjen e arkeologëve më shumë sesa pjesa veriore e vendit. Arsyeja për këtë janë projektet më të mëdha infrastrukturore, të cilat zhvillohen në Bullgarinë Jugore. Bullgaria Veriore, po ashtu dhe bregu i Detit të Zi, mbeten prapa në këtë drejtim. Shihet se atje investimet janë më pak.”

Enët e zbuluara afër fshatit Sërnevo

Në ekspozitë marrin pjesë 25 muze nga tërë vendi me zbulimet e tyre të reja. Në të mund të shihen zbulime nga shpella Kozarinka, Bullgari Verilindore, mosha e së cilës është mbi 1 mln. vjet. Në këtë shpellë, po ashtu dhe në një tjetër të këtij rajoni – Redaka, punojnë ekipe bullgaro-franceze. Në shpellën Redaka janë zbuluar sende prej stralli, të cilat i kishin përdorur njerëzit të lashtë para 30 mijë vjetëve. Enë të bukura prej qeramike nga neoliti i vonë janë zbuluar pranë fshatrave Haxhidimitrovo dhe Sërnevo, Bullgari Jugore. Ato dëshmojnë për imagjinatën dhe potencialin artistik të krijuesve të tyre. Epoka e gurit dhe e bakrit është prezantuar me stolisje dhe figura interesante të njerëzve dhe kafshëve. Vizituesi mund shohë vegla prej guri, të cilat janë përdorur nga njerëzit në minierën për nxjerrjen e arit në Ada tepe në malin Rodope. Kjo minierë është më e hershme, e njohur në Evropë prej 3 500 vjetëve. Një fragment nga një diademë prej ari është zbuluar në një varrezë trake pranë fshatit Bratja Daskalovi, Bullgari Qendrore.

Zbulime nga Trapezica e Mesjetës, Veliko Tërnovo

Këto janë vetëm pjesë e eksponateve të prezantuara. Në ekspozitë mund të shikohen artefakte të ndryshme nga Mesjeta Bullgare, nga kryeqytetet e atëhershme Plliska, Veliki Presllav, Veliko Tërnovo. Eja çfarë tha për studimet e sivjetshme në rajonin e Velliki Presllavit docentja Margarita Vaklinova: “Gjetëm shumë sende interesante, ndër të cilat dallohen disa vula plumbi për korrespondencën e mbretit bullgar Simeon (nga periudha e viteve 893-927). Ishin gjetur edhe artefakte nga bazilika e madhe e qytetit, sende shtëpiake, armatim, sasi të madhe monedhash nga epoka të ndryshme etj. Ato tregojnë sa e madhe ishte qendra kulturore Veliki Presllav gjatë shekujve, kur tashmë nuk ishte kryeqytet. Qyteti u pushtua nga osmanët në shekullin e XIV-të dhe ky ishte fundi i tij. Rrënojat e tij edhe sot përmendin për lavdinë e dikurshme të madhe të Velliki Presllavit.”

Përgatiti në shqip: Jordanka Ivanova dhe Anna Kapitanova

По публикацията работи: Veneta Pavllova


Последвайте ни и в Google News Showcase, за да научите най-важното от деня!

Më shumë nga rubrika

"Refugjatët" - një histori për të dëbuarit dhe të shpëtuarit në Bullgari

Ikja nga vendlindja dhe toka amtare dhe udhëtimi i gjatë përmes të huajës dhe të panjohurës - fati i të gjithë refugjatëve është i ngjashëm ndër vite, dhe arsyet janë gjithmonë të njëjta. Njerëzit dëbohen për shkak të luftës ose besimeve fetare, për shkak..

botuar më 24-03-21 7.15.PD

Ne hyjmë në Kreshmë pa një bari shpirtëror

“Dhe na i fal borxhet tona, sikurse edhe ne i falim borxhlinjtë tanë...” Çdo i krishterë kujton kuptimin e kësaj fraze nga Lutja e Zotit, sepse mësimi i Krishtit për dashurinë dhe faljen është krijuar rreth saj. Ai e di se ai që nuk është..

botuar më 24-03-17 10.05.PD

Shenjtëria e tij Patriarku Bullgar Neofit u largua nga ne

Pas një sëmundjeje të gjatë, në moshën 78-vjeçare u largua nga ne Shenjtëria e Tij Patriarku Bullgar dhe Mitropoliti i Sofjes Neofit. Pak para mesnatës, më 13 mars, në një deklaratë zyrtare, Sinodi i Shenjtë i Kishës Ortodokse Bullgare njoftoi se..

botuar më 24-03-14 9.22.PD