Pragmatizmi dominonte në takimet dhe bisedimet e kryeministrit Bojko Borisov dhe të delegacionit bullgar gjatë vizitës së tyre në Kroaci. Në fushën e marrëdhënieve politike gjërat janë të qarta. Në vitin, në të cilin shënojmë përvjetorin e 70-të të vendosjes së marrëdhënieve diplomatike midis dy shteteve gjatë vizitës së Bojko Borisovit në Zagreb u bë e qartë se midis tyre nuk ka çështje të diskutueshme të hapura. Tashmë disa vjet Bullgaria përkrah integrimin evropian të Kroacisë dhe qëllimet e Ballkanit Perëndimor. Vetëm kështu Ballkani mund të bëhet një rajon i stabilitetit dhe paqes. Gjatë takimeve të tij me kryeministrin Jadranka Kosor, me presidentin Ivo Josipoviç dhe me kryetarin e parlamentit kroat Lluka Bebiç kryeministri Bojko Borisov deklaroi përkrahjen e Bullgarisë për anëtarësinë e Kroacisë në BE dhe gatishmërinë tonë të ndihmojmë Kroacinë duke shkëmbyer me të përvojë.
Aksenti ishte mbi aktivizimin e marrëdhënieve dypalëshe tregtare dhe ekonomike. Gjatë vitit 2010 shkëmbimi i mallrave midis Bullgarisë dhe Kroacisë gjatë vitit 2010 ishte 117,6 mln euro. Pavarësisht nga kjo se shifra është me 10% më shumë në krahasim me vitin e mëparshëm shkëmbimi ishte cilësuar si pamjaftueshëm. Investimet kroate në Bullgari janë shumë pak – vetëm 37,9 mln. euro për periudhën 2000 – 2010. Për Kroacinë shteti bullgar eksporton vaj nafte, medikamente, produkte brumi, deri sa importon gaz të naftës, polimere, letër dhe karton. Në forumin e biznesit, i cili u zhvillua në kuadrin e vizitës ishte konstatuar se ekzistojnë mundësi të mëdha për aktivizim dhe diversifikim të lidhjeve ekonomike. Një sferë me perspektivë për bashkëpunime është energjetika. Kompanitë energjetike të dy shteteve do të analizojnë mundësitë për eksport të korrentit bullgar për Kroacinë, e cila importon 35% të korrentit të vet për nevoje të brendshme. Gjatë forumit ishin prezantuar 30 projekte për investime të hapura për financim në Kroaci me vlerë të përbashkët pothuaj 14 mlrd euro, ndaj të cilave Bullgaria mund të shfaqë interes në të ardhmen. Përveç kësaj firmat kroate kanë përvojë të madhe në ndërtimin e autostradave në kushte të rënda natyrore dhe mund të përfshihen në ankande për ndërtimin e autostradave bullgare “Hemus” dhe “Struma”. Ishte diskutuar edhe një ide të vjetër – bëhet fjalë për hapjen e një linjë të rregullt ajrore midis dy kryeqyteteve.
Në bisedimet ishte prekur tema për aktivizimin e lidhjeve turistike midis dy shteteve. Edhe Bullgaria, edhe Kroacia janë destininacione të preferuara në tregun botëror. Por fluksi turistik midis dy shteteve është i ulët. Në sfondin e numrit të madh të turistëve të huaja që vizituan Bullgarinë gjatë vitit të kaluar kroatët janë vetëm 14 mijë. Është e qartë se ka nevojë për punë serioze nga ana e dy shteteve sepse edhe bullgarët, të cilët dëshirojnë të vizitojnë bregdetin kroat të Adriatikut nuk janë shumë.
Gjatë vizitës ishte nënshkruar një Program për bashkëpunim në fushën e kulturës midis dy ministrive përkatëse për periudhën 2011-2013. Parashikohet përforcim i dialogut kulturor dhe bashkëpunim më i mirë për popullarizimin reciprok të trashëgimive unike kulturore të Bullgarisë dhe Kroacisë. Dy shtete, të cilët kanë marrëdhënie diplomatike të regjistruara në një dokument të shkruar që nga viti 1230.
Përgatiti në shqip: Jordanka Ivanova
Me iniciativën e Kishës Ortodokse Bullgare, më 30 shtator dhe 1 tetor të vitit 1998, në Sofje u mblodh një Tubim Panortodoks për të ndihmuar kapërcimin e përçarjes midis klerikëve tanë. Atëherë, megjithë nxitjet e Patrikut të Stambollit Bartolomeu,..
Shteti ynë bëhet vendi i parë në BE që ka inteligjencë artificiale në një nivel të lartë teknologjik në gjuhën e tij, krijuar nga një organizatë shkencore me financim shtetëror. Inteligjenca artificiale e gjeneratës së re, e krijuar për të punuar në..
Eurodeputetët dëgjuan 26 kandidatët për komisionerë në Komisionin e ri të Ursula von der Leyen në komisionet përkatëse. Megjithatë, përfundimi i procedurës nuk çoi në një marrëveshje mes forcave politike për Komisionin e ardhshëm Evropian dhe ambicia është..
Pjesërisht me re