Opinioni publik për ndërtimin e centralit të dytë atomik në Bullgari

botuar më 11-06-10 11.41.PD

Gjatë kësaj jave ministri i ekonomisë, energjetikës dhe turizmit Trajço Trajkov ishte për një vizitë në Paris, ku zhvilloi bisedime për të ardhmen e energjetikës bërthamore. Gjithashtu gjatë javës qeveria gjermani miratoi një vendim për mbyllje të centraleve atomike. Nga Moska erdhi lajmi se montimet e para të kompanisë ruse Atomstrojeksport në centralin atomik bullgar “Belene” do të fillojnë në fillim të vitit tjetër. Të gjitha këto lajme janë një arsye që të prezantojmë opinionin publik në Bullgari për ndërtimin e centralit të dytë atomik në vend.

Del se megjithë tensionin dhe frikët rreth centralit japonez “Fukushima”, shumica e bullgarëve e mbështetin projektin “Belene”. Pjesa e përkrahësve të centralit të dytë atomik tek ne nuk është pakësuar konsiderueshëm pas avarisë në “Fukushima”. Këtë e tregoi një studim i agjencisë “AFIS”, i cili u zhvillua në fillim të majit. 64% të të anketuarve dëshirojnë që ndërtimi i centralit “Belene” të përfundohet. Kundër janë mezi 26%. Për 43% të bullgarëve avaria në centralin atomik japonez nuk ka çuar në ndryshim të mendimit për ndërtimin e centralit “Belene”.

Ideja që vendimi për të ardhmen e centralit të dytë atomik të merret me referendum mbështetet nga 72% të bullgarëve. Gjysma e të anketuarve pohojnë se me siguri do të marrin pjesë në referendum. Dy të treta të pjesëmarrësve eventualë në referendum do të votojnë “pro” ndërtimit të centralit “Belene”.

Sipas studimit të agjencisë “AFIS” avaria në Japoni ka shtuar nevojën që të ketë më shumë informacion për energjetikën bërthamore, për dobitë dhe rreziqet që ka si rrjedhim. Pyetjes çfarë informatë mund të ndikojë pozitivisht në opinionin e tyre për projektin “Belene”, bullgarët i përgjigjen: “çmimi i korrentit elektrik pas përfundimit të tij”, si edhe statuti i Bullgarisë ndër vendet fqinja si një faktor energjetik në Ballkan. Qëndrimet negative provokohen nga shqetësimet se mekanizmat e mbrojtjes së centralit “Belene” do të jenë me një nivel më të ulët sesa ato në “Fukushima”.

Sipas studimit mezi 56% të të anketuarve interesohen për çmimin e ndërtimit të ardhshëm. Por çdonjëri i tretë dëshiron të dijë çmimin e reaktorëve të prodhuesve të tjerë. Shoqëria bullgare e vlerëson si diçka më shumë pozitive faktin se partneri kryesor në projektin “Belene” është Rusia. 29% janë të mendimit se energjetika jonë duhet të zhvillohet me mbështetjen e Moskës. Për 24% është më mirë të bashkëpunohet me BE-në, mezi 2% shprehin mirëbesim ndaj SHBA-ve.

Redaktore: Diana Hristakieva
Përgatiti në shqip: Ekaterina Tarpomanova

Последвайте ни и в Google News Showcase, за да научите най-важното от деня!

Ndaje

Opinioni publik për ndërtimin e centralit të dytë atomik në Bullgari

Më shumë nga rubrika

Gratë bullgare jetojnë 7.4 vjet më shumë se burrat

"Toka e trëndafilave" - një film për shpresën se ne mund të jemi më të mirë dhe më të hapur ndaj njerëzve me aftësi të kufizuara

SOS për Kënetën Bojana - a do t'i mbijetojë ekosistemi unik pranë Sofjes bastisjeve të biznesit?

Krerët e shteteve nga Evropa nderuan 70 vjet nga themelimi i CERN-it