Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgaria është në fund të klasifikimit për nga juridiksioni efektiv

Bullgaria është në një nga vendet e fundit të klasifikimit për nga juridiksioni efektiv. Analiza përfshin 66 shtete në tërë botën . Në listën e përbashkët shteti ynë ndodhet në vend të 64-të derisa në listën e shteteve të Evropës Lindore dhe Afrikës Qendrore – në vend të 12-të. Në Bullgari niveli i korrupsionit është i lartë, llogaridhënia e qeverisë është e ulët, probleme krijon dhe diskriminimi i pakicave, tregon studimi. Sipas analizave karakteristikat e mira e shtetit tonë janë garantimi i mbrojtjes së qytetarëve nga kriminaliteti dhe liria e shprehjes, shoqërimit dhe përkatësisë fetare.

Klasifikimi quhet “Indeks i epërsisë së ligjit” dhe botohet për vitin e dytë me radhë në Uashington. Autor i tij është organizata joqeveritare amerikane “Projekt për drejtësi botërore”, e financuar nga fondacioni Bill dhe Melina Gates. Dëshira e autorëve është që të ofrojnë një pikënisje të dobishme për barazimin e shteteve.

Indeksi tregon gjendjen e epërsisë së ligjit të shtetit përkatës nga pikëpamja e shtetasit të zakonshëm. Për këtë qëllim janë anketuar 1 mijë veta në secilin shtet, të përfshirë në këtë studim. Pjesëmarrësit në studim u përgjigjen pyetjeve siç: a kanë akses te shërbimet publike nëse nuk japin ryshfet, ose: a mund të kryejnë punën e tyre pa frikë nga kriminaliteti ose nga terrori policor.

Në llogaritjen e indeksit merren parasysh 9 faktorë: pushteti i kufizuar i qeverisë, mungesa e korrupsionit, rendi dhe siguria, të drejtat fondamentale, transparenca e qeverisë, respektimi i rregullave dhe ligjeve, aksesi i qytetarëve te drejtësia, efikasiteti i drejtësisë penale dhe drejtësia normale. Indeksi mund të jetë me vlerë nga 0 deri një – 0 është vlerësimi më i keq, 1 është më i larti.

Problemet e Bullgarisë janë më shumë në fushën e drejtësisë penale. Shteti ynë është në vend të 64 për sa i përket efikasitetit të saj me indeks 0,30. Pas nesh janë vetëm Liberia dhe Venezuela. Proceset gjyqësore janë faktori i vetëm në lidhje me të cilin Bullgaria shënon një ulje krahas vitit të kaluar, kur indeksi tregonte 0,46. Në pikat e tjera rezultatet tona përmirësohen.

Bullgaria është në fund të listës edhe sipas treguesve: “pushteti i kufizuar i qeverisë” dhe “mungesa e korrupsionit”, sipas të cilëve Bullgaria ndodhet në vend të 50. Më pak korrupsion ka vetëm në shtete si Etiopia, Gana, Guatemala, Kazakistani, Peruja.

Më mirë prezantohet Bullgaria sipas faktorit “rendi e siguria”, duke zënë vendin e 34-të.

Përgatiti në shqip: Jordanka Ivanova


Последвайте ни и в Google News Showcase, за да научите най-важното от деня!

Më shumë nga rubrika

Popullsia e lejlekëve të bardhë është rritur me një të tretën

Popullsia e riprodhimit të lejlekëve të bardhë - një nga zogjtë më të dashur në vendin tonë - është rritur me 33 për qind në vitet e fundit, sipas të dhënave nga një regjistrim ndërkombëtar i cituar nga BGNES. Sipas rezultateve, në Bullgari janë..

botuar më 25-10-12 6.20.PD
Gazetari Hristo Grozev

Gazetari Hristo Grozev në Berlin: Çmimi evropian vërteton se vitet e mundimit ia vlejnë

Gazetari investigativ bullgar Hristo Grozev mori çmimin e tij si Gazetari Evropian i Vitit në një ceremoni zyrtare në Berlin. Ai ishte një figurë kyçe në kërkimin e ish-menaxherit të Wirecard, Jan Marsalek, në Moskë, si dhe në zbulimin e një numri..

botuar më 25-10-11 12.17.MD
Natalija Efremova

Interes rekord për programin "Unë Zgjedh Bullgarinë" të drejtuar për bullgarët jashtë vendit

Një interes rekord është treguar nga bashkatdhetarët tanë jashtë vendit për programin "Unë Zgjedh Bullgarinë" të Ministrisë së Punës dhe Politikës Sociale. Kjo u raportua në një seancë dëgjimore në Komitetin parlamentar për Politikat për Bullgarët..

botuar më 25-10-11 11.00.PD