Popullsia e Bullgarisë po pakësohet, plaket dhe migron drejt qyteteve

botuar më 11-07-25 11.43.PD

Gjithnjë e më shumë rritet numri i njerëzve në moshë mbi 65 vjeç.

Foto: Millka Dimitrova

Në Bullgari jetojnë pothuajse 7 milionë e gjysmë veta. Gratë, pavarësisht dhe me pak dominojnë mbi burrat. Po ndërlikohen karakteristikat demografike të kombit – ai plaket shpejt, popullsia po pakësohet dhe përqendrohet kryesisht në qytetet. Këtë e tregojnë të dhënat përfundimtare nga regjistrimi i popullsisë të realizuar në fillim të këtij viti. Pas përfundimit të tij dhe në vendet e tjera anëtare të Bashkimit Evropian, të dhënat do të përgjithësohen nga Eurostati.

Numri i saktë i banuesve në territorin e vendit janë 7 milionë 364 mijë e 570 veta. Grupi etnik bullgar është më i madhi, ai numëron pak nën 5 milionë e 700 mijë veta ose pothuajse 85% nga popullsia. I dyti për nga numri është etnosi turk me rreth 8%, kurse në vend të 3 renditet popullsia rome.

Ripohohen statistikat shqetësuese demografike të pakësimit dhe të plakjes së popullsisë. Ne, bullgarët jemi me 600 mijë më pak, në krahasim me të dhënat nga numërimi gjatë vitit 2001. Po shtohet dhe pjesa e popullsisë mbi 55 vjeç, kurse pakësohet numri i fëmijëve dhe të njerëzve të rinj nën 15 vjeç. Shkaqet janë dy. Nga njëra anë kjo i dedikohet rritjes negative demografike kurse nga ana tjetër – të migracionit. Në Bullgari fëmijët e lindur janë më pak nga bullgarët e vdekur dhe kjo tendencë po vazhdon tanimë disa dhjetëvjeçarë me radhë. Kombi bullgar plaket më shpejt në krahasim me evropianët e tjerë. Gjithnjë e më pak bullgarë në moshë të aftë për punë do të mbajnë gjithnjë e më shumë pensionistë. Kjo ve probleme serioze përpara zhvillimit të ardhshëm social dhe ekonomik të vendit. Përqindja tani është: 100 veta, të cilët dalin nga mosha e aftë për punë zëvendësohen nga mezi 70 bullgarë të rinj. Përpara rreth 10 vjetëve ajo ka qenë mjaft më e mirë: në 100 pensionist u bien nga 124 njerëz të rinj në moshë të aftë për punë. Shifrat nga numërimi i tanishëm imponojnë një zhvillim të shpejt të sistemeve sociale për kujdese ndaj të moshuarve, shkaktojnë dhe probleme në tregun e punës, ku gjithnjë e më shpesh ndihet mungesa e kuadrove. Sipas statistikës një pjesë nga pakësimi i popullsisë së vendit i dedikohet migracionit. Që nga viti 2001 deri tani në bazë të shkaqeve ekonomike nga vendi kanë ikur 175 mijë bullgarë.

Shkaqeve ekonomike i dedikohet dhe një tendencë tjetër negative, të ripohuar nga të dhënat statistike. Në kërkim të punës dhe të kushteve më të mira për jetesë, bullgarët në mënyrë masive migrojnë drejt qyteteve. Regjione të tëra mbeten të braktisura dhe pa njerëz. Finka Denkova, drejtoresh në Institutin kombëtar të statistikave përgjithëson: “Shpërndarja territoriale e popullsisë tregon shumë qartë tendencën e vizituar të përqendrimit të popullsisë në qytetet e mëdha dhe në disa krahina të mëdha. Dallime të mëdha ka dhe në shpërndarjen e popullsisë nëpër bashki. Pothuajse 40% nga bullgarët jetojnë në 9 bashki të mëdha të vendit. Kurse më e madhe është popullsia e kryeqytetit, ku jetojnë pothuajse 1 milionë e 300 mijë veta ose mbi 17% nga popullsia. Më dobët e populluar mbetet krahina e Vidinit (buzë lumit Danub, në kufirin me Serbinë) me pak mbi 1% nga popullsia e vendit.”

Urbanizimi i përshpejtuar ve një sërë probleme përpara zhvillimit të qyteteve bullgare. Kurse në të njëjtën kohë në 180 fshatra bullgare tanimë nuk jeton asnjeri, tregon statistika. Finka Denkova saktëson: “Më i madh është numri i vendeve pa banues në krahinat Gabrovo dhe Veliko Tërnovo (në Bullgarinë Qendrore). Në një të pestën nga vendet e populluara të Bullgarisë jetojnë nga 1 deri më 50 veta, kurse në pak se një të tretën nga vendet e populluara jetojnë midis 100 dhe 500 veta. Në 7 nga qytetet më të mëdha jetoj më shumë se një e treta nga popullsia e vendit.”

Sipas anketave nga numërimi bullgarët e papunë në fillim të muajit shkurt kanë qenë 15%. Këto të dhëna dallohen nga shifrat e Agjencisë së punësimit, sipas së cilës niveli i papunësisë është rreth 10%. Mbase dallimi i referohet faktit se, Agjencia e punësimit llogarit vetëm bullgarët e papunë, të cilët janë regjistruar në Byrotë e punës në vend.

Përgatiti në shqip: Nataniela Vasileva

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Popullsia e Bullgarisë po pakësohet, plaket dhe migron drejt qyteteve

Më shumë nga rubrika

Bullgaria bëhet vendi i katërt evropian që zbaton inovacione për trajtimin e plagëve kronike

WWF Bullgaria i kushton vëmendje mbrojtjes së arinjve

Pse disa nga rrugët e Pragës mbajnë emrat e iluministëve bullgarë?

Çfarë parashikon buxheti i BE-së për vitin 2025

Sofja tashmë disponon sheshin më të madh të patinazhit në Ballkan