Magjia e vallëzimit dhe e detit...

botuar më 12-07-04 11.00.PD

Qyteti bregdetar Primorsko për herë të parë organizoi një festival kushtuar vallëzimit.

Foto: wikipedia.org

Për herë të parë qyteti bregdetar Primorsko organizoi Festivalin “Në magjinë e vallëzimit dhe të detit”, i cili mblodhi vallëzues nga vendi dhe nga jashtë. Nga data 1 deri më 3 korrik ai e ktheu vendpushimin në një skenë të vërtetë verore. Në të fëmijë dhe të rinj nga 6 deri më 21 vjeç, përfaqësues të gjashtë klubeve të vallëzimit, i paraqitën mjeshtëritë e veta në nëntë kategori – nga vallëzimi klasik deri te teknikat moderne dhe hip-hopi. Posaçërisht për ngjarjen organizatorët kanë ftuar Raull Tores – ish kërcimtar në kabarenë më të madhe në botë “Tropikana” në Kuba. Artisti i njohur, përveçse vlerësonte si arbitër interpretuesit në stilin shou latine, por realizoi dhe një spektakël të posaçëm me partneren e vet Nadja Tonçeva.

Ideja për festën verore të vallëzimit është e Iva Petrovës, koreografe në një klub të Primorskos, në të cilin arsimohen mbi 120 fëmijë nga regjioni: “Klubi ekziston prej 4 vjetëve – thotë ajo. – Punojmë në stile të ndryshme të vallëzimit modern si balet klasik, shou të vallëzimit, hip-hop, latino... Fëmijët janë në moshë nga 3 deri më 15 vjeç. Me kolegët specialistë në stilet e ndryshme, po përpiqemi të zhvillojmë një art modern të vallëzimit. Marrim pjesë në festivale, fitojmë dekorata. Folklori është mjaft i përqendruar në këtë regjion, prandaj qëllimi im është të ketë dhe diçka të ndryshme. Fëmijët të mund të zgjedhin midis vallëzimit modern dhe valleve popullore. Gjatë dimrit këtu nuk ka një larmi shumë të madhe dhe vallet u japin energji dhe stimul. Pjesëmarrja në festivalet dhe më në veçanti mikpritja e një ngjarjeje të tillë për ta është një krenari e madhe. Prandaj dua që ata ta përjetojnë dhe t’u mbetet një kujtim i mirë. Do të qe mirë kjo të bëhet një traditë e përvitshme, e cila të tërheq miq dhe pjesëmarrës nga e gjithë bota.”

Sipas fjalëve të Iva Petrovës, Primorsko, përveç plazheve të shkëlqyera, ka dhe të gjitha mundësitë të jetë mikpritës të një shfaqje të ngjashme, sepse disponon me një sallë sportive për mësime praktike dhe kalojë në një estradë verore, në të cilën fëmijët të tregojnë se çfarë kanë mësuar. Gjatë kohës së festivalit “Në magjinë e vallëzimit dhe të detit” fëmijët dhe të rinjtë u përfshinë në trajnime me Raull Toresin në stilin latino, me Vlladisllava Popovën – në stilin shou dens, dhe me Petja Stojkovën, e cila iu tregoi bukurinë e vallëzimit modern.

“Trajnimi është një mësim praktik, i cili ju jep shumë, sepse afrohen deri tek interpretimi i profesionalistit – shton Iva Petrova. – I pasuron dhe i ngre me një shkallë përpjetë. Kurse për mua kjo është shumë e rëndësishme dhe shpresoj se vitin e ardhshëm do të kemi profesionalistë më të mirë nga jashtë, të cilët të tregojnë stilet e veta në punë. Ky është dhe qëllimi i Federatës bullgare të sportit – të zhvillojë një art modern të vallëzimit jo vetëm me pjesëmarrje në festivale ndërkombëtare, por dhe duke ftuar specialistë të tillë në Bullgari.”

Siç shënon kryetari i Bashkisë së Primorskos Dimitër Germanov, ngjarja është pjesë nga kalendari i pasur kulturor, i cili pret miqtë e qytetit gjatë stinës së verës. Prandaj në bashki me gëzim përkrahin çdo iniciativë, e cila pasuron pushimet e tyre detare.

Përgatiti në shqip: Nataniela Vasileva

По публикацията работи: Darina Grigorova

Последвайте ни и в Google News Showcase, за да научите най-важното от деня!

Ndaje

Magjia e vallëzimit dhe e detit...

Më shumë nga rubrika

Festat unike të operës dhe baletit në Stara Zagora fillojnë më 21 nëntor

Janka Selimi nderohet me Çmimin e Karrierës në Panairin e 28-të të Librit në Shqipëri

“Made in EU” i Stefan Komandarev fitoi çmimin në Festivalin e Filmit Arras në Francë