Dy javë me radhë Shoqata Bullgare e Bletarëve organizon protesta në qytete të ndryshme të vendit – Shumen, Varna, Silistra, Razgrad, Tërgovishte. Shoqata kërkon që të ndalohet përdorimi i pesticideve të cilët asgjësojnë bletët. Me rastin e 22 Prillit, Ditës Ndërkombëtare të Tokës, bletarët organizojnë një protestë kombëtare në Sofje. Dihet se asgjësimi i bletëve çon në fundin e botës. Çfarë kërkojnë bletarët bullgarë?
“Arsyeja e hedhjes në protestë ishte se përfaqësuesi bullgar në Drejtorinë e Bujqësisë pranë Komisionit Evropian votoi “i abstenuar” në propozimin e ndalimit të pesticideve të dëmshme Neonicotinoid në BE.” Këtë e sqaron znj. Daniella Çelebieva, anëtare e Këshillit të autorizuar të Shoqatës Bullgare të Bletarëve, duke shtuar: “Më 26 prill ose më 2 maj vijon të rivotohet kërkesa për ndalimin e pesticideve. Kështu që, duke protestuar ne shpresojmë se përfaqësuesi bullgar në KE do të rishqyrtojë pozitën e tij. Ndryshe, Shoqata e Bletarëve insiston për miratim të njëanshëm të ndalimit të pesticideve jo më vonë se vjeshta e 2013-ës. Që nga viti 2011 në Bullgari filloi të shfaqet dukuria e vdekshmërisë së lartë dhe e zhdukjes të bletëve.”
© Foto: BTA
Në kuadër të fushatës “Për bletët dhe njerëzit” më 2011 u bë një sondazh sipas të cilit 63 për qind e bletëve janë zhdukur për shkak të pesticideve helmuese. Në 2012 rreth 200 bletë janë zhdukur në Bullgari që do të thotë 20 për qind e të gjitha bletëve të rritura në vend. Këto të fundit numërtojnë rreth 1 mln. Problemi me pesticidet Neonicotinoid nuk është helmi i drejtpërdrejtë. D.m.th. me këto pesticide trajtohen farat e kolzës vajëse, lulediellit, misrit dhe të pambukut. Pra, lëngu dhe pjalmi i tyre shndërrohet në helm për bletët. Sipas ekspertëve, pesticidet çojnë në pakësimin e imunitetit të bletëve, në sensibilitetin e sëmundjeve dhe kështu shkurtojnë jetën e tyre.
“Për mendimin tonë, pesticidet ndryshojnë fiziologjinë e bletëve – thotë znj. Çelebieva. – Bletët nënë të cilat zakonisht jetojnë deri në 7 vjet, tashti zhduken pas një viti. Bletët dimërore të cilat zakonisht jetojnë përafërsisht 6 muaj, tashti nuk mbijetojnë më se 4 muaj. Shumica e bletarëve kur të hapin kosheret gjatë prillit i gjejnë ato bosh. Kjo dukuri vërehet më tepër andej ku përreth ka të mbjella me kolzë vajëse. Problemet në Bullgari janë nga 3-4 vjet kur në vend filloi të mbjelluri kolzë vajëse në masë destinuar prodhimit të biodizelit. Shoqata mbledh informacion në të gjitha qoshet e vendit dhe sipas të dhënave gjatë 2010-ës vdekshmëria tek familjet e bletëve ka qenë rreth 10 për qind, gjatë 2011-ës e njëjta ka arritur afro 30 për qind. Edhe gjatë 2012-ës duket se do të jetë 30 për qind. Nëse nuk ndërmerren masa urgjente, pas dy vjetësh familjet e bletëve do të zhduken.”
Në Bullgari dhjetëra firma importojnë fara të trajtuara me pesticidet e dëmshme. Në shumicën e rasteve ndërmarrësit nuk janë në dijeni se çfarë fara blejnë. Në vend flitet shumë pak rreh kësaj çështjeje, komentojnë bletarët.
© Foto: BTA
Ashtu si një jetë njerëzore 90-vjeçare, fati i kishës metropolitane “Shën Apostuj Pjetër dhe Pali” është i mbushur me ulje-ngritje, me mundime, por edhe me shpëtim. Kjo është ndoshta një nga kishat më pak të njohura në Sofje dhe në të njëjtën kohë e..
Ornitologët dhe dashamirësit e shpendëve festojnë sot Ditën Kombëtare të Shqiponjës. Me këtë rast përfaqësues të Shoqatës Bullgare për Mbrojtjen e Shpendëve prezantojnë para publikut të gjerë fakte interesante për jetën e llojeve të ndryshme të..
Ndryshe nga pritshmëritë, udhëheqësit evropianë nuk arritën një konsensus mbi katër kandidatët kryesorë për postet kryesore të BE-së në takimin e tyre të hënën e kaluar. Megjithatë, ka të ngjarë që kjo të ndodhë në takimin e tyre të rregullt të enjten..
Burgas po pret javën e pesëmbëdhjetë evropiane të qenve, njoftoi BTA. Fillon më 6 korrik në zonën e Bazës së Kuajve në Kopshtin Detar dhe organizohet nga..
Fshati turistik Ribarica në rajonin e Tetevenit po pret edicionin e dymbëdhjetë të “Trabant Fest”, njoftuan organizatorët nga “Klubi Kombëtar Trabant”...
Në rreshtat e mëposhtëm, Radio Bullgaria do t'ju tregojë shkurtimisht kushtet të cilat shtetasit e huaj duhet të plotësojnë, që të përdorin ndihmën..